اقش پرەزيدەنتى ترامپ. فوتو: The New Yorker.

اق ءۇيدىڭ تاراتقان مالىمەتىنە قاراعاندا، اقش پرەزيدەنتى الداعى ۋاقىتتا بولاتىن وڭتۇستىك كورەيا ساپارى كەزىندە، سولتۇستىك جانە وڭتۇستىك كورەيا اراسىنداعى دەميليتاريزاتسيالانعان ايماققا بارمايتىنىن ايتتى. بۇل تۋرالى «شينحۋا» اگەنتتىگىنىڭ رەسمي سايتى جازدى.

اق ءۇيدىڭ بۇل شەشىمدى قابىلداۋىن ۇلىبريتانيانىڭ «The Independent» باسىلىمى اق ءۇي وكىلىنىڭ NBC ارناسىنا بەرگەن سۇحباتىنا سىلتەمە جاساي وتىرىپ تۇسىندىرەدى. اتالعان باسىلىمنىڭ حابارىنا قاراعاندا، اقش-تىڭ ۆيتسە-پرەزيدەنتى بەرنس، قورعانىس ءمينيسترى مەتتيس جانە مەملەكەتتىك حاتشى تيللەرسون قاتارلى اقش-تىڭ ەڭ جوعارى لاۋازىمدىلارى ەكى ەل شەكاراسىنداعى دەميليتاريزاتسيالانعان ايماققا بارعان بولاتىن. سول تاجىريبەدەن الىپ قاراعاندا اقش پرەزيدەنتىنىڭ وندا بارۋى ونىڭ قاۋىپسىزدىگىن قامتاماسىز ەتۋ ىسىنە قيىندىقتار تۋعىزۋى مۇمكىن ەكەن.

اقش-تىڭ بۇدان بۇرىنعى بىرنەشە پرەزيدەنتى ۋاشنيگتوننىڭ سەۋلگە دەگەن دوستىق پەيىلىن تانىتۋ ءۇشىن ەكى ەل شەكاراسىنداعى بۇل اتاۋلى ورىنعا بارعان ەدى. بىراق ترامپتىڭ جاعدايى ولارعا ۇقسامايدى. ترامپ پەن كحدر باسشىسى كيم جوڭ ۋننىڭ اراسىنداعى قايشىلىق تىم كۇردەلى. دەميليتاريزاتسيالانعان ايماققا ترامپتىڭ بارۋى ءوزىنىڭ باس اماندىعىنا قاتەر ءتوندىرىپ قانا قويماي، ەكى ەل اراسىنداعى داۋ-دامايدى ءتىپتى دە ءورشىتىپ جىبەرۋى مۇمكىن.

“The Qazaq Times”