وڭتۇستىك كورەيا ارميا قۋاتىن جاپپاي ارتتىردى

امەريكا قۇراما شتاتى سولتۇستىك شىعىس ازياداعى اسكەري كۇشتەرىن بارىنشا ارتتىرىپ جاتقان تۇستا، ەلدىڭ پرەزيدەنتى وسى ايماققا العاشقى ساپارىن باستاعالى وتىر. وڭتۇستىك كورەيا جوعارى لاۋازىمدىلارى الاڭداۋشىلىق ءبىلدىرىپ، سولتۇستىك كورەياعا قارسى اسكەري-ارەكەتتى بولدىرماۋعا كۇش سالۋدا. بۇل تۋرالى «WSJ» باسىلىمى حابارلادى.

وڭتۇستىك كورەيا پرەزيدەنتى مۇن جا-ين سارسەنبى كۇنى بۇكىل مەملەكەتتىك تەلەارنالاردا ءسوز سويلەپ: «وڭتۇستىك كورەيالىق اسكەرلەرگە بولىنەتىن قارجى كوبەيتىلىپ، ارميا قۋاتى بارىنشا ارتاتىن بولادى. بىراق، وڭتۇستىك كورەيا يادرولىق قارۋدى قابىلداماۋى كەرەك»، – دەدى.  ول جانە: «وڭتۇستىك كورەيانىڭ باستى مىندەتى – كورەي تۇبەگىندەگى بەيبىتشىلىكتى ساقتاۋ. سوندىقتان بارلىق جاعدايلاردا اسكەري قاقتىعىستاردان اۋلاق بولۋ كەرەك. كورەي تۇبەگىندە وڭتۇستىك كورەيانىڭ رۇقساتىنسىز ەشقانداي اسكەري ارەكەت جاسالمايدى»، – دەدى.

بۇل سوڭعى 10 جىل ىشىندەگى وڭتۇستىك كورەيانىڭ اسكەري شىعىندارىنىڭ ەڭ جوعارى شەككە ءوسۋى. وعان قاراماستان ەل پرەزيدەنتى وڭتۇستىك كورەيانىڭ اسكەري باسىمدىعىن ساقتاۋعا ۋادە بەرىپ وتىر. سونىمەن بىرگە، ءمۇن جا-ين سولتۇستىك كورەيا يادرولىق ماسەلەسىن بەيبىت جولمەن شەشۋدى باستى ورىنعا قويعان.

قازىر وڭتۇستىك كورەيانىڭ جىلدىق اسكەري بيۋدجەت شىعىنداردى 6,9 پايىزعا ارتتى. سونىمەن بىرگە ۇلتتىق قاۋىپسىزدىك ءۇشىن بولىنەتىن قاراجاتتى دا 10,5 پايىزعا ارتتىردى.

اقش پرەزيدەنتى كەلەسى اپتانىڭ سەيسەنبى كۇنىندە وڭتۇستىك كورەياعا ساپارلاي كەلەدى. بۇل ونىڭ ازيا ساپارىنىڭ ەكىنشى كەزەڭى. ەستەرىڭىزدە بولسا، ترامپ سولتۇستىك كورەياعا قارسى بىرنەشە رەت اسكەري ءىس-قيمىل جاساۋ قاتەرىن توندىرگەن ەدى. وعان قوسا پيوڭياڭمەن كەلىسسوز وتكىزۋ «ۋاقىتتى ىسىراپ ەتۋ» دەگەن سەكىلدى پىكىرلەردى دە ايتىپ ەدى.

“The Qazaq Times”