ۋكراينا ءىىم جوعارعى رادا دەپۋتاتىنا جاسالعان قاستاندىقتى تەررورلىق اكت دەپ ەسەپتەيدى

ۋكراينا ىشكى ىستەر مينيسترلىگى جوعارىعى رادا دەپۋتاتىنا جاسالعان قاستاندىقتى تەررورلىق اكت  دەپ مالىمدەدى.

قازان ايىنىڭ 25-نەن 26-نا قاراعان ءتۇنى ۋكراينا جوعارعى رادا دەپۋتاتى يگور ماسيچۋكقا قاستاندىق جاسالعان. ماسيچۋك «ەكسپرەسسو» تەلەارناسى عيماراتىنان شىققان بەتتە كوشە بويىندا تۇرعان سكۋتەرلەردىڭ بىرىنە ورناتىلعان جارىلعىش زات ىسكە قوسىلعان. سالدارىنان ءتورت ادام جاراقات الىپ، ماسيچۋكتىڭ وققاعارى وقيعا ورنىندا كوز جۇمعان. وسى وقيعاعا بايلانىستى ۋكراينا ىشكى ىستەر مينيسترلىگىنىڭ ءباسپاسوز قىزمەتى ءوزىنىڭ Facebook پاراقشاسىندا: «اتالمىش وقيعاعا بايلانىستى ۋكراينا قىلمىستىق كودەكسىنىڭ 258 بابى (تەررورلىق اكت) بويىنشا ءىس قوزعالدى» - دەپ جازعان. ال يگور ماسيچۋكتىڭ ءوزى بۇل وقيعاعا تاپسىرىس بەرگەندەر ماسكەۋدە وتىر دەپ ەسەپتەيدىندىگىن ايتقان.

يگور ماسيچۋك 1979 جىلى دۇنيەگە كەلگەن. 1990 جىلدان بەرى ءتۇرلى ۇلتتىق ۇيىمداردىڭ مۇشەسى بولعان. 2014 جىلدىڭ قاڭتار ايىندا كيەۆ سوتى ونى لەنين ەسكەرتكىشىن جارىپ جىبەرۋگە قاتىسقانى ءۇشىن كىنالى دەپ تانىپ التى جىلعا سوتتاعان. بىراق ول ەۋرومايداننان كەيىن بوستاندىققا شىعىپ، كەيىنەن «ازوۆ» باتالونىنىڭ قاتارىنا الىنعان. قازىرگى تاڭدا راديكالدار پارتياسىنىڭ مۇشەسى جانە جوعارعى رادا دەپۋتاتى.

“The Qazaq Times”