اۋعانستان ايماعىندا«يسلام مەملەكەتى» لاڭكەستىك ۇيىمى كۇش الا باستادى – دەپ مالىمدەدى ۇقشق (ودكب) ءباسپاسوز قىزمەتى.

ۇقشق مالىمەتىنشە، سوڭعى ۋاقىتتارى اۋعانستان اۋماعىنداعى «يسلام مەملەكەتى» تەررورلىق ۇيىمىنىڭ بەلسەندىلىگى ارتقان. ولار وسىعان دەيىن ەلدىڭ وڭتۇستىك ايماقتارىندا تۇراقسىزدىق ورناتۋعا ءتۇرلى ارەكەتتەر جاساپ كەلگەن بولسا، سوڭعى ۋاقىتتارى ۇقشق قاراماعىنداعى سولتۇستىك اۋدانداردا دا بەلسەندىلىكتەرىن ارتتىرا باستاعان.

ەستەرىڭىزگە سالايىق، بۇعان دەيىن اۋعانستان پرەزيدەنتى موحامماد اشراف گاني رەسەي مەن پاكىستاندى «تاليبان» قوزعالىسىن قولداپ وتىر دەپ ايىپتاپ، وسى ۋاقىتقا دەيىن لاڭكەستەردىڭ قولىنان كوز جۇمعان 1,5 ميلليون اۋعاندىقتىڭ قانى سولاردىڭ مويىنىندا ەكەندىگىن ايتقان بولاتىن. ال رەسەي سىرتقى ىستەر مينيسترلىگى موحامماد اشراف گانيدىڭ بۇل مالىمدەمەسى شىندىققا جاناسپايتىنىن ايتىپ، دوستىق قارىم-قاتىناستاعى اۋعانستان ەلىنىڭ پرەزيدەنتى قاتەلەسەدى دەپ مالىمدەگەن.

“The Qazaq Times”