اقش، اقۇي ءباسپاسوز زالى، باراك وبامانىڭ ەڭ سوڭعى ءباسپاسوز ءماسليحاتى، فوتو: Stephen Crowley The New York Times

ەكى كۇن بۇرىن، اقش پرەزيدەنتى  باراك وباما ءوزىنىڭ ەڭ سوڭعى ءباسپاسوز ءماسليحاتىندا، اپتا سوڭىندا قىزمەتىن وتكىزىپ بەرگەننەن كەيىن دە ءۇنسىز قالا المايتىنىن، امەريكانىڭ «باستى قۇندىلىقتار» قاۋىپ-قاتەرگە ۇشىراپ جاتسا پىكىرىن باتىلدىقپەن بىلدىرەتىنىن ايتتى. ول تەك ءوزىنىڭ ساياسي قىزمەتىنەن ۋاقىتشا دەمالىس العىسى كەلەتىنىن ءبىلدىردى.  بۇل تۋرالى "The New York Times" باسىلىمىندا حابارلاندى.

وباما سوڭعى ءباسپاسوز ءماسليحاتىندا جاڭادان سايلانعان اقش پرەزيدەنتى دونالد ترامپ ءوز قىزمەتىن وتكىزىپ العانان كەيىن، اسا ماڭىزدى پروبلەمالار تۋىپ جاتپاسا، جالپى ۇلتتىق پىكىرىنە قايتىپ ورالماق. ول: « ساياسات قالىپتى جۇمىس، ال، مەنىڭ كەيبىر پىكىرلەرىم ءبىزدىڭ ورتاق قۇندىلىقتارىمىزعا نۇقسان كەلتىرۋى دە مۇمكىن. بۇل ەندى ۇقساماعان ماسەلەلەر مەن ۇقساماعان ۋاقىتتاردا ءجۇز بەرىپ جاتادى. ايىرماشىلىقتار قاشاندا تۋىلىپ تۇرادى»، - دەدى.

اقۇي ءباسپاسوز زالىندا جۋرناليستەرمەن وتكەن كەزدەسۋىندە وباما ءبىر كۇن بۇرىن چەلسي ماننيڭگە (چەلسي ماننينگ) كوممۋتاتسيا شەشىمىن بەرگەنىن دە ايتتى. چەلسي ماننيڭ قۇرلىق ارميا بارلاۋ ءبولىمىنىڭ ساراپشىسى قىزمەتىن اتقارعان. 2010 جىلى اقش اسكەري جانە ديپلوماتيالىق قۇپيالىقتارىن جاريالاعىن ءۇشىن باس بوستاندىعىنان ايىرىلعان. كەي ادامدار وباما قۇپيالىقتى اشۋى مۇمكىن ادامدارعا حابار جىبەردى دەپ قارايدى. بۇعان وباما اشىق ەموتسيا بايقاتقان جوق. ال ماننيڭ بولسا جەتى جىلداي قاماق جازاسىندا بولدى.

بۇل تۋرالى وباما: «ەڭ اۋەلى، ول ءبىر مەزگىل قاتاڭ جازا مەرزىمىن وتەدى، ەگەر ءبىر ادام قۇپيا اقپاراتتى ماڭىزدى ەكسپوزەتسيا دەپ تاپسا، مەنشە ول جازالانبايدى دەپ قارايمىن. ول جازاسىن وتەدى جانە ادامدارعا ساباق بولدى»، - دەگەن ويىن ايتتى.

قىزمەتىن وتكىزۋ جاقىنداعان سايىن، ونى قولداۋ رەيتينگى دە ارتىپ كەلەدى،  تىپتى ترامپتىڭ قىزمەتىن وتكىزىپ الۋدان بۇرىن-اق، ونىڭ سەگىز جىلدىق ساياسي ۇستانىمىنا شابۋىل جاسالدى. دەموكرات پارياسىنىڭ ون نەشە مۇشەسى ترامپتىڭ پرەزيدەنتتىگىن ۇلىقتاۋ راسىمىنە قاتىسپايتىن دا بولدى. وباما بۇل تۋرالى تۇسىنىك بەرۋدەن باس تارتتى. ول: «مەن تەك ءوزىمنىڭ كەشكە قاتىساتىنىمدى بىلەمىن، ميشەل دە بارادى»، - دەپ قانا ايتتى. ءسوزىنىڭ قورتىندىسى رەتىندە اقش-تىڭ 44 رەتكى پرەزيدەنتى باراك وباما: ««ادىلەت ساقتالدى، مەن سوعان ايرىقشا رازىمىن»، - دەدى.

ەسكە سالا كەتەيىك، ترامپتىڭ پرەزيدەنتتىگىن ۇلىقتاۋ ءراسىمى بۇگىن كەشتە وتەدى دەپ بەلگىلەنگەن.

"The Qazaq Times"