فوتو: Sputnik كازاحستان

2017 جىلدىڭ قاڭتار-تامىز ايلارىندا قازاقستانعا اكەلىنگەن اقش دوللارىنىڭ كولەمى وتكەن جىلى ەلدەن كەتكەن اقش قارجىسى كولەمىنەن اسىپ ءتۇستى. وتكەن جىلى كەرىسىنشە قازاقستاننان كەتكەن اقش دوللارىنىڭ كولەمى كوپ بولعان، دەپ جازدى Ranking.kz.

سونىمەن قازاقستانعا 1,8 ملرد دوللار كولەمىندەگى اقش قارجىسى كەلگەن جانە بۇل وتكەن جىلمەن سالىستىرعاندا 2,6 ەسەگە نەمەسە 693 ملن دوللارعا ارتىق.

2016 جىلدىڭ قاڭتار-تامىز ايىندا 940 ملن دوللار قارجى قازاقستاننان كەتىپ، بۇل سوڭعى 5 جىلداعى ەلدەن شىعارىلعان قارجىنىڭ ەڭ جوعارعى كورسەتكىشى بولعان. الايدا وسى جىلدىڭ سايكەس كەزەڭىندە كەرىسىنشە، بۇل كورسەتكىش 90,4%-عا دەيىن نەمەسە 90,1 ملن دوللارعا دەيىن ازايعان.

ال قازاقستانعا اكەلىنگەن ەۋرو كولەمىنە كەلەر بولساق، وسى جىلدىڭ 8 ايىنداعى كورسەتكىش 182,3 ملن ەۋرونى قۇرادى جانە بۇل وتكەن جىلدىڭ قاڭتار-تامىزىمەن سالىستىرعاندا 110,4 ملن ەۋروعا ارتىق. قارجىنىڭ ەڭ كوپ كولەمى 2014 جىلى اكەلىنگەن - 463,1 ملن بىرلىك ۆاليۋتا كەلگەن.

قازاقستاننان شىعارىلعان ەۋرو ۆاليۋتاسىنىڭ كولەمى 15,5 ملن ەۋرونى قۇرادى جانە وتكەن جىلمەن سالىستىرعاندا 84,1%-عا تومەن.

رەسەي رۋبلىنە كەلەر بولساق، قازاقستانعا اكەلىنگەن ەڭ كوپ رۋبل كولەمى 2015 جىلى 78,7 ملرد رۋبلگە جەتكەن. ال 2016-2017 جىلدارى سايكەسىنشە، 21,1 جانە 22,9 ملرد رۋبل كەلگەن. ال قازاقستاننان شىعارىلعان رەسەيلىك ۆاليۋتانىڭ كولەمى 2016 جىلى 7,4 ملرد ءرۋبلدى قۇرادى جانە بۇل سوڭعى 5 جىلداعى ەڭ جوعارعى كورسەتكىش.

“The Qazaq Times”