ەو مۇشەلەرى ترامپ ساياساتىنا قولداۋ كورسەتە باستادى. فوتو: Politico Europe.

ترامپ ۇكىمەتىنىڭ ساياسي باسىمدىقتارىنا سايكەس، ەۋرووداق ەلدەرى سولتۇستىك كورەيا مەن ۆەنەسۋەلاعا قاراتقان قىسىمدى ارتتىرا باستادى. سونداي-اق، اقش ۇكىمەتى يراننىڭ 2015 جىلعى يادرولىق كەلىسىمگە ساي كەلەتىنىن مويىنداماعانىمەن، ەۋروپا وداعى ەلدەرىنىڭ كەلىسىمىنەن كەيىن عانا كەلىسسوز جۇرگىزە الادى. بۇل تۋرالى «WSJ» باسىلىمى حابارلادى.

ديپلوماتتاردىڭ ايتۋىنشا، جوسپار بويىنشا ەو-نىڭ سىرتقى ىستەر مينيسترلەرى كەلەسى دۇيسەنبىدە سولتۇستىك كورەيانىڭ يادرولىق جانە زىمىران جوبالارىنا قارسى ءىس-قيمىل جوسپارىن رەسمي قابىلدايدى. ال ەو-نىڭ رەسمي وكىلدەرى ۆەنەسۋەلاداعى نيكولاس مادۋرو ۇكىمەتىندە، ونىڭ نەگىزگى ادامدارىنا قاراتا سانكتسيالار جاريا ەتۋى مۇمكىن.

قازىرگى كەزدە ەۋروپاداعى كوپتەگەن ەلدەردى سولتۇستىك كورەيانىڭ يادرولىق باعدارلاماسى الاڭداتىپ وتىر. سونىمەن بىرگە مادۋرو ۇكىمەتىنىڭ قادامدارى دا ەو ەلدەرىنىڭ نازارىنان تىس قالعان جوق. دەگەنمەن، كيم جوڭ ۋن مەن مادۋروعا قاراتقان قىسىمدى ارتتىرۋ قادامى، ەۋروپا ەلدەرىنىڭ ترامپ ۇكىمەتىمەن ىنتىماقتاستىقتى قولعا العانى. ال، يران يادرولىق ماسەلەسىندە اقش پەن ەۋروپانىڭ پىكىرى ءبىر جەردەن شىقپاي كەلەدى.

ەو وكىلدەرىنىڭ ايتۋىنشا، سولتۇستىك كورەيانىڭ ءۇش جەكە تۇلعاسى جانە التى ۇكىمەتتىك مەكەمەسىنە قاراتا سانكتسيا سالىنادى. ولاردىڭ ءجۇرىپ-تۇرۋى مەن شەتەلدەگى بارلىق اكتيۆتەرىنە شەكتەۋ قويىلماق. بىراق ولاردىڭ ايتۋىنشا بۇل شەكتەۋلەر كيم جوڭ ۋن مەن ونىڭ لاۋازىمدى قىزمەتكەرلەرىنە قاراتىلمايدى ەكەن.

وعان قوسا، ەۋروپالىق وداقتىڭ بارلىق مۇشەلەرىنە سولتۇستىك كورەياعا ينۆەستيتسيا سالۋىنا شەكتەۋ قويىلادى. ايتالىق، سولتۇستىك كورەياعا مۇناي ساتۋدى توقتاتۋ. ال، سولتۇستىك كورەياعا اۋدارىلاتىن اقشانى 5 مىڭ ەۋروعا دەيىن قىسقارتتى. بۇل شەكتەۋلەر اراسىندا سولتۇستىك كورەيا جۇمىسكەرلەرىمەن كەلىسىمدەردى ۇزارتۋعا قاراتىلعان شەكتەۋلەر دە بار.

“The Qazaq Times”