رەكس تيللەرسون: دونالد ترامپ سوعىستى قالامايدى

اقش-تىڭ مەملەكەتتىك حاتشىسى رەكس تيللەرسون دونالد ترامپتىڭ سولتۇستىك كورەياعا قاتىستى پىكىرى مەن امەريكانىڭ سىرتقى ساياساتىنداعى ديپلوماتيانىڭ ءرولى تۋرالى ويىن ءبىلدىردى. ول ءوزىنىڭ ديپلوماتيالىق ارەكەتتەرى  بىرىنشى بومبا تاستالعانشا جالعاسا بەرەتىنىن حابارلادى. بۇل تۋرالى CNN اقپاراتتىق اگەنتتىگى جازدى. 

امەريكانىڭ مەملەكەتتىك حاتشىسى ءوز سوزىندە دونالد ترامپتىڭ تۆيتتەر پاراقشاسىنداعى ديپلوماتيالىق كەلىسسوزدەردەن پايدا جوقتىعى تۋرالى جازبالارىنا قاراماستان، ول سوعىستىڭ بولعانىن قالامايتىنىن جەتكىزدى. "پرەزيدەنت ديپلوماتيانى ءجون كورەتىنىن ماعان جەكە حابارلادى. ول سوعىستى قالامايدى", - دەدى ول.

وسىدان بۇرىن رەكس تيللەرسون پيوڭياڭدا بايلانىستارى بار ەكەنىن، سولتۇستىك كورەيا مەن اقش اراسىندا كەلىسسوزدەر باستالۋىنا قول جەتكزەتىنىن ايتقان بولاتىن. مەملەكەتتىك حاتشى مالىمدەمەسىنىڭ ارتىنشا دونالد ترامپ تۆيتتەر پاراقشاسىنا: "تيللەرسون كحدر-مەن كەلىسەمىن دەپ، ءوزىنىڭ كۇشىن بوسقا سارپ ەتىپ ءجۇر", - دەپ جازىپ ەدى.

“The Qazaq Times”