فوتو: Reuters

يراننىڭ پرەزيدەنتى حاسان رۋحاني اقش-تىڭ پرەزيدەنتى دونالد ترامپتىڭ سوڭعى مالىمدەمەسىنە قاتىستى پىكىر ءبىلدىرىپ، يران يادرولىق كەلىسىمدە، مەملەكەتتىك مۇددەلەرىنە سايكەس بولسا، قالاعانىنشا قالا بەرەتىنىن حابارلادى. بۇل تۋرالى ءال-جازيرا اقپاراتتىق اگەنتتىگى جازدى. 

ء"بىزدىڭ دونالد ترامپتان ەستىگەنىمىز جاڭالىق ەمەس، بۇرىننان قايتالانىپ كەلە جاتقان نەگىزسىز ايىپتاۋلار مەن دالەلسىز اگرەسسيا", - دەگەن حاسان رۋحاني ترامپقا جەكە باعىتتالعان سالەمدەمەسىندە يران حالقى اقش پرەزيدەنتىنەن مۇنان ارتىق دۇنيەنى كۇتپەيتىنىن  حابارلادى.

سونداي-اق حاسان رۋحاني: "دونالد ترامپ حالىقارالىق زاڭداردى وقىماعان. وقىعان بولسا، كوپجاقتى كەلىسىمدەردى ءبىر عانا ادام بۇزا المايتىنىن بىلەر ەدى. بۇل يران مەن اقش اراسىنداعى عانا كەلىسىم ەمەس", - دەدى.

حاسان ءرۋحانيدىڭ "يران اقش-تىڭ قولداۋىنا ارقا سۇيەپ، ءوز تاريحىندا مۇلدەي سايلاۋ كورمەگەن ديكتاتورلىق مەملەكەت ەمەس" دەگەن سوزدەرى امەريكانىڭ جاقىن ارىپتەسى ساۋد ارابياسىن نىساناعا العان سياقتى.

اقش پرەزيدەنتىنىڭ "يران تەرروريزمدى قولداپ وتىر" دەگەن ايىپتاۋلارىنا حاسان رۋحاني امەريكانىڭ اۋعانىستان، ۆەتنام مەن يراكتاعى سوعىستارعا سەبەپسىز ارالاسقانىن العا تارتىپ، جاۋاپ بەردى. سونداي-اق اقش-تىڭ 1953 جىلى يراندا دەموكراتيالىق جولمەن سايلانعان ۇكىمەتتەن بيلىكتى تارتىپ الۋ ىسىنە قاتىسىن اشكەرەلەپ، 1988 جىلى 290 يران ازاماتىنىڭ  ولىمىنە سەبەپكەر بولعان جولاۋشى ۇشاعىن اقش-تىڭ اۋە كۇشتەرى اتىپ تۇسىرگەنىن ايتتى.

“The Qazaq Times”