رەسەيدىڭ ساۋد ارابياسىنا ساتىپ بەرەتىن S-400 زىمىران اتقىشتارى. فوتو: www.arabstoday.net.

رەسەي قورعانىس مينيسترلىگىنىڭ بەرگەن مالىمەتىنە قاراعاندا، ساۋد ارابياسى كورولىنىڭ ماسكەۋگە ساپارى كەزىندە كەلىسىلگەن قارۋ-جاراق ساۋداسىنىڭ ناقتى باعىتى بەلگىلى بولدى. رەسەي تارابى ساۋد ارابياسىنا ساتىلاتىن قارۋلاردىڭ تۇرلەرىن اشىق جاريا ەتكەن. بۇل تۋرالى «People» باسىلىمى حابارلادى.

كەلىسىم بويىنشا رەسەي جاق ساۋد ارابياسىنا 5 ءتۇرلى اسكەري قارۋ-جاراقتى ساتىپ بەرەدى:

1. S-400 زىمىرانعا قارسى قورعانىس جۇيەسى.

2. تانككە قارسى EM قىسقا قاشىقتاعى زىمىراندارى.

3. TOS-A1 زىمىران اتقىشتارى.

4. AGS-30 اۆتوماتتى زىمىران اتقىشتار.

5. اك-103 (كالاشنيكوۆ) اۆتوماتتارىنىڭ ءوندىرۋ قۇقىعى.

رەسەي مەن ساۋد ارابياسى باسشىلارىنىڭ كەزدەسۋىنەن كەيىن ەكى جاق ماڭىزدى قارۋ-جاراق ساتۋ جانە ساتىپ الۋ كەلىسىمىن جاساستى. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ: «رەسەيدىڭ ساۋد ارابياسىنا اتالعان قارۋ-جاراقتى ساتىپ بەرۋىندەگى باستى ماقساتى، الەم جانە ءوڭىردىڭ بەيبىتشىلىگىن ساقتاۋ. بۇل كەلىسىم ەشقاندايدا ءۇشىنشى ءبىر ەلگە قاراتىلعان ارەكەت ەمەس»، – دەگەن پىكىرىن بىلدىرگەن.

“The Qazaq Times”