تۇركياداعى ءسۇريا بالالارى. فوتو: Worldbulletin.

تۇركيا ءبىلىم بەرۋ مينيسترلىگى ەۋروپا وداعىنىڭ قارجىلاندىرۋىمەن «تۇركياداعى سۇريالىق بالالاردى ەلدىڭ ءبىلىم بەرۋ جۇيەسىنە بەيىمدەۋ» باعدارلاماسىن قولعا العانىن مالىمدەدى. بۇل تۋرالى «تۇرىك تەلە-راديو» قىزمەتى حابارلادى.

تۇركياداعى باق-تىڭ مالىمەتىنە قاراعاندا تۇرىك جۇرتىندا 1 ميلليوننان استام سۇريالىق بالا پانالاپ وتىر. قازىر تۇركيا ۇكىمەتى ءبىلىم بەرۋ مينيسترلىگىنە وسىدان بۇرىن بەرگەن مىندەت بويىنشا وسى بالالاردى تۇركيانىڭ وقىتۋ جۇيەسىنە بەيىمدەي وتىرىپ، ءبىلىم بەرۋ باعدارلاماسىن باستادى. بۇل باعدارلاماعا ەۋرووداق قارجىلاي قولداۋ ءبىلدىرىپ وتىر.

حاباردا ەو-نىڭ تۇركياداعى دەلەگاتسياسىنىڭ توراعاسى كريستيان بەرگەر: «تۇركيا جەرىندە ءسۇريادان پانا سۇراي كەلگەن ميلليوننان استام بالانى وسى ەلدىڭ ءبىلىم بەرۋ مينيسترلىگى قاراماعىنا الىپ وتىر. بۇل ارينە وزگە ەلدەرگە ۇلگى بولاتىن ءىس. سونىمەن بىرگە بۇل تۇرىكتەردىڭ باۋىرمالدىعىن كورسەتەدى»، – دەدى.

جوعارىدا اتالعان جوبانىڭ قۇنى 650 ملن ەۋرو تۇرادى. بۇل قارجى ارقىلى تۇركيانىڭ ءسۇريا بالالارى كوبىرەك تۇراتىن 23 قالاسىندا ءبىلىم بەرۋ ءىسى جۇزەگە اسقالى وتىر.

“The Qazaq Times”