كيم جوڭ ۋننىڭ جۇرت كوزىنە تۇسە بەرمەيتىن قارىنداسى. فوتو: Daily Star.

وتكەن اپتانىڭ سوڭىندا سولتۇستىك كورەيانىڭ رەسمي باسىلىمدارى كحدر ەڭ جوعارى باسشىسى كيم جوڭ ۋننىڭ (كيم چەن ىن/Kim Jong Un) اپتا سوڭىنداعى مالىمدەمەسىن تاراتتى. وندا كيم جوڭ ۋن «يادرولىق باعدارلاما سولتۇستىك كورەيانىڭ تاۋەلسىزدىگىن قورعاۋداعى «الماس قىلىشى» دەگەن پىكىر بىلدىرگەن. وسىمەن ءبىر ۋاقىتتا مۇحيتتىڭ ارعى بەتىندە اقش پرەزيدەنتى دونالد ترامپ «سولتۇستىك كورەيادا مۇمكىن بولاتىن ءبىر عانا نارسە بار – ول بولسا، يادرولىق امبيتسيالارىن جويۋ» دەگەن ەدى. بۇل تۋرالى «WSJ» باسىلىمى حابارلادى.

ترامپ سەنبى كۇنى ءوزىنىڭ Twitter پاراقشاسىندا جاريالانعان ەسكەرتۋلەرى قاتتى ءبىر نازار اۋدارتىپ كەتكەن جوق. بىراق ول سوڭعى 25 جىلدا اقش-تىڭ كۇش-جىگەرىن ءساتتى ورىنداماعانىن ايتتى.

سولتۇستىك كورەيا باسشىسى ەلدىڭ جۇمىسشى پارتياسىنىڭ وكىلدەر جيىنىندا يادرولىق قارۋ كورەي تۇبەگى بەيبىتشىلىگىنىڭ ماڭىزدى تىرەگى ەكەنىن اتاپ ءوتتى. كيم جوڭ ۋننىڭ بۇل پىكىرلەرى ترامپتىڭ ەسكەرتۋلەرىنەن بىرنەشە ساعات بۇرىن جاريالانعان ەدى. كيم جوڭ ۋن سوزىندە: «يادرولىق قارۋ - بۇل كورەيالىقتار امەريكالىق يمپەرياليزمنىڭ ۇزاقمەرزىمدى يادرولىق قاتەرىنە سايكەس، ۇلتتىق تاعدىر مەن ەگەمەندىگىن جانە قانتوگىستەردەن قورعاۋ ءۇشىن جاساعان جەمىستى جەتىستىكتەرى»، - دەدى.

وسىمەن بىرگە سولتۇستىك كورەيا رەسمي باسىلىمدارى كيم جوڭ ۋننىڭ قارىنداسى 28 جاستاعى كيم يو جوڭنىڭ (Kim Yo Jong) كحدر جۇمىسشى پارتياسى ورتالىق كوميتەتىنىڭ كەزەكتى مۇشەسى بولىپ بەكىتىلگەنىن دە حابارلادى. بۇل اتالعان كوميتەت سول ەلدىڭ ەڭ نەگىزگى شەشىم قابىلداۋشى ورگانى.

بۇل تاعايىندالۋلار سولتۇستىك كورەيادا «التىن جانە جوعارىلاۋ» دەگەن سوزبەن ايتىلادى. ول  دەگەنىمىز، كيم جوڭ ۋننىڭ باسقارۋىمەن سولتۇستىك كورەيا كيم وتباسىنىڭ اينالاسىندا جەكە قۇقىقتارىن قورعاۋدى جالعاستىرۋدا دەگەندى بىلدىرەدى. سولتۇستىك كورەيا قۇرىلعاننان بەرگى نەشە ون جىلدا كيم اۋلەتى ەلدىڭ بيلىك قۇرىلىمىندا اسا ماڭىزدى بولىپ كەلدى. وسىدان بۇرىن كيم جوڭ ۋننىڭ اكەسى كيم جوڭ يل ءوزىنىڭ قارىنداسى كيم كيوڭ حەنى دە ورتالىق كوميتەتتىڭ مۇشەسى ەتكەن.

“The Qazaq Times”