"مىسىر لەگيونى" ءىسى بويىنشا وتكەن سوت وتىرىسى.

مىسىردا 13 ادام ءولىم جازاسىنا كەسىلدى – دەپ حابارلايدى Al-Arabiya اقپارات كوزى.

اگەنتتىكتىڭ مالىمەتىنشە، قازان ايىنىڭ 8-ءى كۇنى مىسىر قىلمىستىق سوتى ەلدە «مىسىر لەگيونىن» قۇرماقشى بولدى دەگەن ايىپپەن قاماۋعا الىنعان 13 ادامدى كىنالى دەپ تانىپ، ءولىم جازاسىنا كەسكەن. سوت شەشىمى مۋفتيات كەلىسىمىن بەرگەننەن كەيىن، جەلتوقسان ايىنىڭ 7-ءسى كۇنى ءوز كۇشىنە ەنەتىن بولادى. اتالمىش ءىس بويىنشا 44 ادام ۇستالعان. ولارعا 2013-2015 جىلدارى ارالىعىندا گيزا جانە كاير قالالارىندا قارۋلى شابۋىل جاسادى جانە گيزا قالاسىنىڭ ۇلتتىق قاۋىپسىزدىك باسقارمىسىنىڭ باسشىسى مەن پوليتسيا گەنەرالىن ءولتىردى دەگەن ايىپ تاعىلعان.

بۇعان دەيىن يراكتا 2014 جىلى «يسلام مەملەكەتى» لاڭكەستىك ۇيىمىنىڭ قۇرامىندا ءجۇرىپ 1700 ادامدى ءولتىردى دەگەن ايىپپەن ۇستالعان 27 ادام ءولىم جازاسىنا كەسىلگەن بولاتىن. جالپى مىسىر، يراك، يران، قىتاي سىندى مەملەكەتتەر الەم بويىنشا ءولىم جازاسىن ءجيى قولداناتىن مەملەكەتتەردىڭ قاتارىنا جاتادى.

“The Qazaq Times”