قر ۇلتتىق بانك توراعاسى دانيار اقىشەۆ ۇكىمەت وتىرىسىندا ۆاليۋتا باعامىنىڭ بىردەن قۇبىلىپ كەتۋىنە ەش نەگىز جوق ەكەنىن ايتتى. ونىڭ پىكىرىنشە، ەلدەگى ماكروەكونوميكالىق جاعداي تۇراقتى.
ء"بىز ەلدىگى، ساۋدا سەرىكتەستەرىندەگى جاعداي قالىپتى ەكەنىن بايقاپ وتىرمىز. ءتىپتى ايىرباستاۋ باعامدارى دا تۇراقتى. سوندىقتان الاڭداۋدىڭ ەش قاجەتى جوق. مەن وسى نارىقتا پايدا تابۋعا تىرىسىپ جاتقان ازاماتتار مەن كاسىپكەلەر ءۇشىن تاعى قايتالاپ ايتقىم كەلەدى: ءبىز بۇعان دەيىن دە ۆاليۋتا كۋرسى وزگەرگەن كەزدە بىردەن ايىرباستاۋ پۋنكتەرىنە بارىپ، ورتادا پايدا تاۋىپ قالۋعا تىرىسۋدىڭ ەش ءمانى جوق ەكەنىن بىرنەشە مارتە مالىمدەگەنبىز. ءتىپتى ۇتىلىپ قالۋىڭىز دا مۇمكىن. سەبەبى ايىرباس باعامى، ماكروەكونوميكالىق جاعداي جاقسى. ءتىپتى ول نىعايۋى (تەڭگە - رەد.) مۇمكىن. سوندىقتان ۆاليۋتا ساتىپ العان كەيبىر ادامدار ۇتىلىپ قالادى", - دەدى اقىشەۆ.
ونىڭ سوزىنشە، سىرتقى جاعدايلار دا تەڭگەنىڭ نىعايۋىنا وڭ اسەر ەتىپ جاتىر. سونداي-اق ول ۇلتتىق ۆاليۋتا باعامىنىڭ قۇنى ينفلياتسيا كورسەتكىشىنە دە ىقپال ەتەتىنىن مالىمدەدى. سەبەبى قارجى رەتتەۋشىنىڭ سوزىنە سەنسەك، وسى جىلدىڭ 8 ايىنداعى جاعداي قالىپتى ەكەن.
"باعا 8 ايدا 3,9 پايىزعا ءوستى. بۇل وتكەن جىلعا قاراعاندا تومەن. ول كەزدە باعا ءوسىمى 5,4 پايىز بولعان ەدى. ءبىز سوڭعى ايلارداعى مالىمەتتى كورىپ وتىرمىز، قىركۇيەك ايىنداعى كورسەتكىش ازىرگە جوق. الەۋمەتتىك ماڭىزى بار تاۋارلاردىڭ دا قۇنى تومەندەي باستاعان", - دەدى ول.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى