قىتاي ۇكىمەتى سولتۇستىك كورەيا رەجيمىنىڭ قۇلاۋىنان الاڭدايدى

قىتاي ۇكىمەتى حابارلاما جاريالاپ، بۇۇ قاۋىپسىزدىك كەڭەسىنىڭ قارارىن ورىنداۋ ءۇشىن، سولتۇستىك كورەياعا باعىتتالعان مۇناي ەكسپورتىن قىسقارتاتىن بولدى. بۇل سولتۇستىك كورەيانىڭ ەكونوميكاسىنا ايتارلىقتاي كەرى اسەرىن تيگىزەدى دەپ كۇتىلۋدە. بۇل تۋرالى «The Wall Street Journal» باسىلىمى حابارلاعان.

قىتاي ساۋدا مينيسترلىگى 22 قىركۇيەك كۇنگى بەرگەن مالىمەتىندە "2018 جىلدىڭ 1 قاڭتارىنان باستاپ، ءار جىلى سولتۇستىك كورەياعا ەكسپورتتايتىن مۇنايدىڭ كولەمىن 2 ملن باررەلدەن اسىرمايتىنىن" ايتقان. سونىمەن بىرگە، كحدر-عا سۇيىتىلعان تابيعي گاز ەكسپورتىنا تولىقتاي تىيىم سالاتىندارىن جەتكىزگەن. تيىم سالۋ شارتتارىنىڭ ىشىندە قىتايعا سولتۇستىك كورەيادان كىرەتىن توقىما بۇيىمدارى دا قامتىلعان. ال، سولتۇستىك كورەيادان يمپورتتالاتىن كومىرگە ەمبارگو كحدر ەكونوميكاسى ءۇشىن اۋىر سوققىلاردىڭ ءبىرى بولماق.

اقش رەسمي وكىلدەرىنىڭ سوزىنە سەنەر بولساق، وتكەن ءبىر جىلداعى سولتۇستىك كورەيانىڭ توقىما بۇيىمدارىن ەكسپورتتاۋدان تاپقان تابىسى 760 ملن اقش دوللارى بولدى دەپ ەسەپتەگەن. سوڭعى بۇۇ سانكتسياسىندا بۇل ەلدىڭ توقىما بۇيىمدارىنىڭ ەكسپورتىنا شەكتەۋ قويماعان بولاتىن.

جالپى قىتاي ۇكىمەتى سولتۇستىك كورەيا رەجيمىنە قاتەر ءتونۋىن قالامايدى. بۇۇ قاۋىپسىزدىك ۇيىمىنا ترامپ ۇكىمەتى العاش ۇسىنعان سانكتسيا جوباسىندا سولتۇستىك كورەيانىڭ مۇناي ەكسپورتىن تولىقتاي شەكتەۋ تالابى بار ەدى. قاۋىپسىزدىك كەڭەستىڭ تالقىسىنان بۇرىن اقش پەن قىتاي جانە رەسەي وكىلدەرى بۇل جوبا تۋرالى كوپ رەت كەڭەس وتكىزگەن. سوڭىندا قىتاي مەن رەسەي وكىلدەرىنىڭ ۇسىنىسىمەن مۇناي ەكسپورتىن بۇتىندەي شەكتەۋدى الىپ تاستاپ، جىلىنا 2 ملن باررەل مۇناي ساتىپ بەرۋگە وزگەرتتى. وسىدان كەيىن عانا قىتاي جاق كحدر-عا باعىتتالعان جوبانى ماقۇلدادى.

بۇۇ ۇيعارىمىن ورىنداپ وتىرعان كۇندە دە قىتاي ۇكىمەتى تىكەلەي سولتۇستىك كورەيا رەجيمىنىڭ قۇلدىراۋىنا اكەلۋى مۇمكىن باستامالارعا بارا بەرمەيدى. ويتكەنى، سولتۇستىك كورەياداعى ساياسي جاعداي وزگەرگەننەن كەيىن، سولتۇستىك قىتايعا بوسقىنداردىڭ ۇلكەن اعىمى اسەر ەتەۋى مۇمكىن  جانە ايماقتاعى بيلىكتىڭ تەڭگەرىمىن بۇزىلۋىنان الاڭدايدى.

“The Qazaq Times”