شۆەتسيا ەل تاريحىندا بولماعان اسكەري جاتتىعۋ ارقىلى رەسەيگە جاۋاپ بەردى

شەتەلدىك باق-تىڭ بۇگىنگى حابارىنا قاراعاندا،  شۆەتسيا ناتو مۇشەلەرىنىڭ قولداۋىمەن ەل تاريحىندا 20 جىلدان بەرى بولىپ كورمەگەن اسكەري جاتتىعۋ وتكىزگەن. بۇل قادام رەسەيگە قاراتقان اسكەري ارەكەت ارقىلى بەرگەن جاۋاپ دەپ قاراۋعا بولادى. سەبەبى، جاقىندا عانا رەسەي جاق «باتىس-2017» ءىرى اسكەري وقۋ-جاتتىعۋ وتكىزىپ، ءبىر قاتار باتىس ەلدەرىن ۇرەيلەندىرگەن ەدى. بۇل تۋرالى «شينلاڭ» اقپاراتتىق سايتى جازدى.

شۆەتسيا جاق وسى ايدا وتەتىن «اۆرورا 17» اسكەري جاتتىعۋلارى 20 مىڭنان استام اسكەرلى جۇمىلدىرعالى وتىر. مۇنشالىق زور كولەمدەگى اسكەري وقۋ-جاتتىعۋ شۆەتسياسى 23 جىلدان بەرى بولىپ كورمەگەن. 20 مىڭنان استام جاۋىنگەردىڭ 19 مىڭىن شۆەتسيا دايىنداسا، اقش-تىڭ 1435 اسكەرى مەن فرانتسيانىڭ 120 جاۋىنگەرى جاتتىعۋعا قاتىستىرىلدى. بۇدان وزگە دانيا، فينليانديا، نورۆەگيا، ليتۆا جانە ەستونيادان كەلگەن اسكەرلەر دە بار.

11 قىركۇيەكتەن باستالعان اسكەري قيمىل، 29 قىركۇيەككە دەيىن جالعاسادى. نەگىزىنەن شىعىس ستوكگولمدە، گەتەبورگ باتىس جاعالاۋىندا جانە بالتىق تەڭىزىندەگى گوتلاند ارالدارى ماڭىندا وتكىزىلەدى.

ەستەرىڭىزگە سالا كەتەيىك، 14-20 قىركۇيەك اراسىندا، رەسەي قارۋلى كۇشتەرى بەلارۋس ارمياسىمەن بىرلەسە وتىرىپ، «باتىس-2017» اسكەري جاتتىعۋىن وتكىزدى. رەسەي جاق 13 مىڭ جاۋىنگەر قاتىستى دەپ كورسەتكەن جاتتىعۋعا، باتىس جۇرتى تىكسىنە قارادى. ناتو قولداۋىمەن ءوتىپ جاتقان شۆەتسيانىڭ «اۆرورا 2017» جاتتىعۋى رەسەيدىڭ سول اسكەري ارەكەتىنە بەرگەن باتىس ەلدەرىنىڭ جاۋابى دەۋگە بولادى.

“The Qazaq Times”