پۋتين مەن ەردوعان. فوتو: Meydan TV.

رەسەي مەن تۇركيا باسشىلارى كەلەسى اپتانىڭ بەيسەنبى كۇنى باس قوسىپ، ەكى مەملەكەت اراسىنداعى كەلەلى ماسەلەلەردى – ءسۇريا ماسەلەسىن جانە تۇركيانىڭ رەسەيدەن ساتىپ الاتىن S-400 قورعانىس جۇيەسى توڭىرەگىندەگى ىستەردى كەڭەسەتىن بولدى. بۇل تۋرالى «تۇرىك تەلە-راديو» قىزمەتىنىڭ رەسمي سايتى جازدى.

ەردرعان مەن پۋتين وسىدان بۇرىن گەرمانياداعى G20 كەڭەسى كەزىندە كەزدەسكەن بولاتىن. ەردوعان اپتانىڭ باس شەنىندەگى ءباسپاسوز جيىنىندا بەرگەن مالىمەتىنە قاراعاندا، دۇيسەنبى كۇنى ەكى ەلدىڭ باسشىسى تەلەفون ارقىلى سويلەسكەن. ەروعان سوزىندە: «بەيسەنبى كۇنى كەشتە كەزدەسەمىز، ءسۇريادا نە بولىپ جاتىر، وسى تۋراسىندا تالقىلايتىن بولامىز»، - دەگەن.

ناتو مەن رەسەي قارىم-قاتىناسى ۋشىعا تۇسكەن ۋاقىتتا تۇركيا جاق رەسەيدىڭ قورعانىس جۇيەلەرىن ساتىپ الاتىنىن جاريا ەتكەن ەدى. بۇل شەشىم جاريا بولعاننان كەيىن ناتو مۇشەلەرى تۇركياعا قارسىلىق ءبىلدىردى. الايدا، تۇركيا جاق "سۇرياداعى ءتۇرلى توپتاردان تونەتىن زىمىران قاۋىپتەرى كەزىندە ۇيىمنىڭ تۇرىك ەلىن قورعاۋعا قابىلەتسىز بولعانىن" العا تارتقان ەدى. سوڭعى كەزدەرى تۇركيا مەن رەسەي اراسىنداعى قارىم-قاتىناس جيىلەي ءتۇستى. الداعى كەزدەسۋ ەكى جاقتى بايلانىستاردىڭ كەلەسى قادامدارىن انىق كورسەتىپ بەرەدى دەپ كۇتىلۋدە.

“The Qazaq Times”