Cheil Kazakhstan اگەنتتىگىنىڭ ماماندارى قازاقستاندىق جارناما يندۋسترياسىن جاڭاشىل وزگەرىستەر كۇتىپ تۇرعانىن ايتادى. ولاردىڭ سوزىنشە، ەلىمىزدەگى جارناما ۇيرەنشىكتى جانە نەوندىق بيلبوردتاردان اقپاراتتى تاراتۋ ءادىسىنىڭ يننوۆاتسيالىق كانالدارىنا وتۋدە. ال، بۇرىنعى ادىستەردىڭ اسەرى تومەندەپ كەلەدى.

قازاقستاندا قازىرگى تاڭدا جوعارى تەحنولوگيالىق جارنامانىڭ ايتۋلى تۇرلەرى تىم از، دەگەنمەن، وتاندىق نارىق ستاندارتتان تىس، زاماناۋي شەشىمدەر ءۇشىن اشىق ءارى دايىن ەكەندىگىن كورسەتۋدە. بۇعان جۋىردا استانا جانە الماتى قالالارىندا ەرەكشە فورماتتا وتكەن   Lexus LC 500 فلاگماندىق سپورت-كۋپەسىنىڭ پرەزەنتاتسياسىندا تولىقتىرىلعان شىنايىلىق تەحنولوگياسىنىڭ قولدانىلۋى (Augmented Reality – AR) دالەل.  بۇل، ياعني، ءموبيلدى قۇرىلعىنىڭ كامەراسى ارقىلى ۆيرتۋالدى وبەكتىنى شىنايى كەڭىستىكتە كورۋ.

Cheil Kazakhstan اگەنتتىگىندە جاڭا سپورتكاردىڭ پرەزەنتاتسياسىنان قوناقتار 200% اسەر الۋى ماقساتىندا، جاڭا ارنايى AR فورماتىنداعى ءموبيلدى قوسىمشا جاساپ شىعارىلدى. كەشتىڭ سىيى رەتىندە پروگرامميستەر Lexus LC 500-ءدىڭ تۇپنۇسقاسىنا ۇقساس، بارلىق ءتۇسى مەن بولشەكتەرىنە ساي شىنايى 3D-مودەلىن قۇردى.

پرەزەنتاتسيا كەزىندە تولىقتىرىلعان شىنايىلىق قوسىمشاسى ارقاسىندا قوناقتار قولجەتىمدى قاشىقتىقتا تۇرعانداعىداي، سمارتفوننىڭ كامەراسىن بوس تۇرعان ساحناعا باعىتتاۋ ارقىلى جاڭا كولىكتى تاماشالاي الدى جانە بۇل فورمات كوپشىلىگىن تاڭقالدىردى.

قوناقتاردىڭ اۆتوكولىكتى جان-جاعىنان كورىپ، باسقا تۇستە سالىستىرۋعا، ءتىپتى، سالونىن تاماشالاپ، قوزعالتقىش دىبىسىن ەستۋگە دە مۇمكىندىكتەرى بولدى.

«جارنامانىڭ ءتيىمدى جۇمىس ىستەۋى ءۇشىن ستاندارتقا ساي digital-قۇرالداردى پايدالانۋ جەتكىلىكسىز. ادامدار جاڭا تاجىريبە الۋ ءۇشىن، بىزگە داعدىلى دۇنيەلەرمەن تەحنولوگيانى بىرىكتىرگەن ءجون»، - دەپ بەلگىلەدى Cheil Kazakhstan اگەنتتىگى Digital & PR دەپارتامەنتىنىڭ باسشىسى كارينا پاك.

بۇل چەيلەرلەردىڭ ستاندارتتان تىس جارناما باعىتىنداعى ناتيجەلى جۇمىسىنىڭ العاشقىسى ەمەس. وتكەن جىلى كرەاتيۆتى يدەيا ۇسىنۋشىلار VR فورماتىندا 360 ويىن-ساۋىق ساياباعىن قۇرعان بولاتىن. ول الماتىنىڭ ەڭ كوركەم جەرلەرىنە ۆيرتۋالدى ساياحات جاساۋعا، قالاداعى Fantasy World Almaty ويىن-ساۋىق ساياباعىنىڭ امەريكالىق توبەشىكتەر مەن اتكەنشەكتەرىنە وتىرۋعا، كوك توبەدەگى دوڭگەلەك مىنبەگە مىنۋگە، «لەسنايا سكازكا» كۋرورتى ايماعىنداعى ارقاندى جولدان وتۋگە، سونداي-اق گوركي اتىنداعى ورتالىق ساياباقتا قايىقتا سەرۋەن قۇرۋعا مۇمكىندىك بەردى.

“The Qazaq Times”