كۇز باستالا سالا الماتى تۇرعىندارىنىڭ اسىعا كۇتەتىن مەرەكەسى - قالا كۇنى. بيىل الماتى قالاسىنا 1001 جىل تولىپ، جىل سايىن وتكىزىلەتىن ءداستۇرلى شارالار ءتيىستى دەڭگەيدە ۇيىمداسىرىلدى. اسىرەسە قالا تۇرعىندارىنىڭ اسىعا كۇتەتىتىنى الماFest فەستيۆالى مەن Gakku داۋسى. سەبەبى وسى ءىس-شارادا قالانىڭ تۇپكىر-تۇپكىرىنەن جينالعان حالىق تەگىن كونتسەرت كورىپ، مەگاپوليستىڭ تىنىس-تىرشىلىگىمەن تانىسا الادى. بيىل دا 200 مىڭنان اسا قالا تۇرعىندارى مەن قوناقتارى جينالعان اتاۋلى «الماFest-2017» فەستيۆالى ادەتتەگىدەي قر تۇڭعىش پرەزيدەنتىنىڭ ساياباعىندا ءوتتى.
فەستيۆالگە جينالعان حالىق. فوتو: QT
«الماFest-2017»نى — مەگاپويستە وسىمەن التىنشى رەت ءوتىپ جاتقان اۋقىمدى مادەني- كوڭىلدى شارا. مۇندا اشىق اسپان استىندا دەگۋستاتسيا جانە 100 توننادان اساتىن المالاردى ساتۋ، سپورتتىق، كوركەمدىك الاڭدار، شەبەرلىك سىنىپتارى، بالالار مەن وتباسىلار ءۇشىن ويىندار ۇيىمداستىرىلدى.
فەستيۆالدە الماتىنى الەمگە ايگىلى ەتكەن اپورتتى جيناۋ ساتىندە تۇسىرىلگەن وسىنداي فوتوسۋرەتتەر كورمەگە قويىلعان.
قالا تۇرعىندارىنىڭ كوپشىلىگى فەستيۆالگە الما ساتىپ الۋعا كەلگەن. بىراق مۇنداعى باعا دا بازار باعاسىنان تومەن ەمەس. دەگەنمەن ساتىپ الۋشالار مەرەكەلىك كوڭىل-كۇيدە جۇرگەندىكتەن بە، باعاعا سىن ايتا قويمادى.
الماتىنىڭ الماسىن ساتىپ الۋعا ارنايى كەلگەن پاۆلودار قالاسىنىڭ تۇرعىنى.
قولدان تىگىلگەن مىنا قۋىرشاقتاردىڭ باعااسى 3000-5000 تەڭگە ارالىعىندا.
بۇدان بولەك، فەستيۆال كەزىندە كورمەگە قويىلعان قولونەر تۋىندىلارىن كورۋگە بولادى. كورمە يەلەرىنىڭ كوپشىلىگى شاعىن بيزنەس وكىلدەرى. 
سونداي-اق، بالالاردىڭ كوڭىلىن كوتەرۋگە ارنالعان ۇيىرمەلەردىڭ قاراسى كوپ. ءبىرى سۋرەت سالسا، ەندى ءبىرى قاعازدان مەرەكەلىك سىيلىقتار جاساپ ۇيرەنىپ جاتىر. 
قازاقتىڭ ۇلتتىق ساز اسپاپتارىن جاساۋشى قولونەرشىلەر.
فەستيۆالدە تەك المتاتىنىڭ ءار بۇرىشىنان كەلگەن المالاردىڭ ءدامىن تاتىپ قانا قويماي، اعاشتان ءتۇيىن ءتۇيىپ، قازاقتىڭ ۇلتتىق قۇندى دۇنيەلەرىن جاساپ جۇرگەن قولونەر شەبەرلەرىنىڭ ونەرىن دە تاماشالاۋعا بولادى.
ادامنىڭ ەسىمى جازىلعان بىلەزىكتەر.
قولونەردىڭ ءبىر ءتۇرى - سىرماق سىرۋ
قازاق رۋلارىنىڭ اتىن تاڭبالاۋ. سۇرانىس كوپ.
قامشى ءورۋ جانە قايىستان ءورىپ جاسالعان قابىرعا سۋرەتتەرى. اۆتورى: رىستان سەيفۋللا
سۋرەتشىنىڭ قولتاڭباسىنا اينالعان تابيعات بەينەسى. فوتو: QT
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟