رەسەي مەن اقش باسشىلارى. فوتو: Al Jazeera.

داير-ءاز-زۋر وقيعالارىنان كەيىن سۇرياداعى اقش كۇشتەرى رەسەيمەن ىنتىماقتاستىق جاساسۋ نيەتىنە كەلدى. شەتەلدىك بۇقارالىق اقپارات قۇرالدارىنىڭ 18 قىركۇيەك كۇنگى حابارىنا سەنسەك، اقش-تاعى شتابتار كوميتەتىنىڭ توراعاسى دەن فيۋد «پەنتاگون قوسىمشا قادامدار جاساپ، ءسۇريا اۋە كەڭىستىگىندەگى اسكەري وپەراتسيالار كەزىندە رەسەي ارمياسىمەن ىنتىماقتاستىق جاساۋعا نيەتتى» دەپ مالىمدەگەن. بۇل تۋرالى «شينلاڭ»-نىڭ رەسمي سايتى جازدى.

اقش باستاماشى بولعان «يسلام مەملەكەتى» ۇيىمىنا قارسى حالىقارالىق كواليتسيا 16 قىركۇيەك كۇنى جاساعان حابارلاماسىندا، رەسەي جاقتىڭ اراب پەن كۇردتەردەن قۇرام تاپقان «ءسۇريا دەموكراتيالىق كۇشتەرىمەن» كۇرەسۋگە دايىندالىپ جاتقانىن ايتتى. الايدا، رەسەي قورعانىس مينيسترلىگى تاراتقان مالىمەتتە، رەسەي اسكەر-اۋە كۇشتەرى قولباسشىلىعى داير-ءاز-زۋردا  اسكەري وپەراتسياسىنىڭ اۋقىمى تۋراسىندا الدىن الا اقش كۇشتەرىنە سەرىكتەستەرىنە ايتتى.

دەن ءفيۋدتىڭ ايتۋىنشا، پەنتاگون قوسىمشا قادامدارعا دايىندالىپ جاتىر. اتالعان ايماقتاعى اۋە وپەراتسيالارىنان كەيىن رەسەي جانە اقش اسكەري كۇشتەرىنىڭ ىنتىماقتاستىق ورناتۋىنان سونداعى باس قولباسشىعا تىكەلەي تاپسىرما بەرىلەدى ەكەن. ول تاعى سوزىندە «اقش قولداۋ تانىتىپ كەلە جاتقان كەيبىر وپپوزيتسيا كۇشتەرىن رەسەي ااك-ءى ەۆفرات وزەنىنىڭ شىعىس جاعالاۋىندا بومبىلاعان. اقش پەن رەسەي اراسىنداعى قاقتىعىستى جويۋ ءۇشىن شارالار جاسالۋى ءتيىس» دەدى.

دەن ءفيۋدتىڭ مالىمەتىنە قاراعاندا وتكەن اپتانىڭ سوڭعى كۇندەرى ول كرەمل لاۋازىمدى تۇلعانىڭ بىرىمەن تەلەفون ارقىلى حابارلاسىپ، ەكى ەلدىڭ اسكەري وفيتسەرلەرى بايلانىس ارناسىن ورناتۋ نيەتىن بىلدىرىسكەن. ءارى ءسۇريا ىسىندە بىرلەسە وتىرىپ، ەڭ باستى تەررورلىق توپتاردى تالقانداۋ كەرەك دەپ تاپقان. بۇل ءسۇريا ماسەلەسىندەگى وڭدى وزگەرىس دەپ باعالاۋعا جانە ءسۇريا قايشىلىعىنىڭ شەشىم تابۋىنان ءۇمىت بار دەگەندى كورسەتەدى.

“The Qazaq Times”