استانادا «وڭتۇستىك» يندۋستريالدى ايماقتاردىڭ باسقارۋشى كومپانياسى مەن تۇركيالىق بيزنەسمەندەر اراسىندا قۇنى 12 ملن اقش دوللارىن قۇرايتىن ينۆەستيتسيالىق ەكى قۇجاتقا قول قويىلدى. بۇل تۋرالى وڭتۇستىك قازاقستان وبلىسى اكىمدىگىنىڭ ءباسپاسوز قىزمەتى حابارلادى. 

مۇنداي كەلىسىمگە تۇرىك بيزنەس–قۇرىلىمدارىنىڭ جەتەكشىلەرى باستاعان دەلەگاتسيانىڭ استانا قالاسىنا جاساعان جۇمىس ساپارى كەزىندە قول قويىلعان.

قازاق-تۇرىك يندۋستريالدى ايماعىندا وسى جىلى ىسكە اسىرىلاتىن جوبانىڭ ءبىرى - قورعاسىن كونتسەنتراتىن وندىرەتىن تۇركيالىق Merkez Asia Madencilik كومپانياسىنىڭ زاۋىتى (قۇنى 2 ملن اقش دوللارى) بولسا، ەكىنشىسى -  قۇنى 10 ملن اقش دوللارى بولاتىن Petronet Otomosyon كومپانياسىنىڭ جانار-جاعارماي تاراتۋ كولونكالارىن شىعاراتىن زاۋىتى.

بۇگىندە اۋماعى 50 گەكتاردى الىپ جاتقان «قازاق-تۇرىك» يندۋستريالدى ايماعىندا جالپى قۇنى 37,5 ملن اقش دوللارىن قۇرايتىن 8 جوبا جۇزەگە اسىرىلۋدا. اتالعان جوبالار ىسكە قوسىلعاندا جاڭا 900 جۇمىس ورنى قۇرىلادى دەپ جوسپارلانۋدا.

ايتا كەتەيىك، جىل سوڭىنا دەيىن اتالعان يندۋستيالدى ايماقتا «Gold Aluminum» جشس-ءنىڭ پۆح پروفيلدەرى مەن پۆح جانە اليۋمينيدەن جاسالعان ءمولدىر كونسترۋكتسيالاردى وندىرەتىن شاعىن تسەحى ىسكە قوسىلادى.

“The Qazaq Times”