فوتو: Informburo.kz

قازاقستاندا ستارتاپتاردىڭ سانى 40 مىڭنان اسقان. بۇل تۋرالى Finprom ساراپتاما اگەنتتىگى حابارلادى. ستارتاپ جوبالاردىڭ كوپشىلىگى ءوز جۇمىسىن اۋىل شارۋاشىلىعى جانە ساۋدا سالاسىندا دامىتىپ وتىر. 

ستاتيستيكاعا سەنسەك، بۇل كورسەتكىش سوڭعى 10 جىلدعاعى ەڭ جوعارعى كورسەتكىش. ونىڭ ۇستىنە جاڭا يدەيالار بازاسىنداعى بيزنەس تۇرلەرى ەكىنشى جىل قاتارىنان جوعارعى ءوسىم كورسەتىپ وتىر. ءبىر جىلدا ستارتاپ سانى 14,4%-عا نەمەسە 5,1 مىڭعا وسكەن.

اگەنتتىكتىڭ مالىمەتىنشە، جاڭا ستارتاپشىلار نارىعىنىڭ وسۋ بوس تۇرعان كاسىپورىندار سانىنىڭ قىسقارۋ ۋاقىتىمەن سايكەس كەلدى. مىسالى ءبىر جىلدا ۋاقىتشا بەلسەندى بولا الماعان كاسىپورىنداردىڭ سانى 4,2 مىڭعا ازايعان.

سونىمەن جاڭا ستارتاپشىلاردىڭ سانىنىڭ ءوسۋى اسىرەسە، ساۋدا سالاسىندا بايقالىپ وتىر. ساۋدادا جۇرگەن ستارتاپ كاسىپورىنداردىڭ سانى ءبىر جىلدا 24,7%-عا نەمەسە 2,3 مىڭعا ارتقان.

بۇدان بولەك قازاقستاندىقتاردىڭ قىزىعۋشىلىعى اۋىل شارۋاشىلىعىندا دا ارتقان. وسى سالاداعى جاڭا كاسىپورىنداردىڭ سانى ەكى ەسەگە نەمەسە 1,3 مىڭعا كوبەيگەن.

سونىمەن جاڭا كاسىپورىندار قۇرىلىس، وڭدەۋشى ونەركاسىپ، مەملەكەتتىك باسقارۋدان باسقا ەكونوميكانى دامىتۋشى بارلىق سالالاردا كوبەيە باستاعان. ستارتاپشىلاردىڭ سوزىنشە، قازاقستاندا قۇرىلىس سالاسى ءوزىنىڭ شارىقتاۋ شەگىنە جاتكەن.

ايتا كەتەيىك، ەلىمىزدە ستارتاپ جوبالاردى قولدايتىن باعدارلامالار بارشىلىق. وعان قىزىعۋشىلىق تانىتىپ وتىرعان جاستار دا از ەمەس. تەك ۇكىمەت "وسى باعدارلامالار اياسىندا وسىنشا قارجى ءبولىندى، وسىنشا جوبا جۇزەگە استى" دەپ قۇرعاق ەسەپپەن توقتاپ قالماي، جاستاردى ودان سايىن دەمەي تۇسسە نۇر ۇستىنە نۇر بولار ەدى.

“The Qazaq Times”