مۇحاممەد سالەح. فوتو: راديو وزودليك.

وزبەكستان رەسپۋبليكاسىنىڭ بۇرىنعى پرەزيدەنتى يسلام كاريموۆ قايتىس بولعانىنا ءبىر جىل وتكەننەن كەيىن، ونىڭ ۇكىمەتىنىڭ باستى قارسىلاسى مۇحاممەد سالەحتىڭ ەسىمى ينتەرپولدىڭ (Interpol) تىزىمىنەن شىعارىلدى. بۇل تۋرالى «پارس.اقپارات» اگەنتتىگى حابارلادى.

وزبەكستاننىڭ بۇرىنعى باسشىسى يسلام كاريموۆ 1993 جىلى مۇحاممەد سالەحتى «وتانىنا وپاسىزدىق جاسادى» دەگەن ايىپپەن قاماۋعا العان. الايدا كوپ وتپەي سالەحتى حالىقارالىق قاۋىمداستىق تالابىمەن بوساتقان. سودان بەرى تۇركيادا پانالاپ كەلگەن.

مۇحاممەد سالەح وزبەكستان وپپوزيتسياسىنىڭ باستى ليدەرلەرىنىڭ ءبىرى رەتىندە قارالىپ كەلدى. 1999 جىلى وزبەكستان ۇكىمەتى ونى "يسلام كاريموۆكە قارسى لاڭكەستىك ارەكەت ۇيىمداستىردى" دەگەن ايىپپەن، سىرتتاي 15 جىلعا باس بوستاندىعىنان ايىرۋ ۇكىمىن شىعارعان بولاتىن. سونىمەن قاتار ۇكىمەت ونى ينتەرپولدىڭ قىلمىستىلار تىزىمىنە ەنگىزگەن.

“The Qazaq Times”