اقش جانە سولتۇستىك كورەيا باسشىلارى. فوتو: Daily Express.

كحدر سىرتقى ىستەر مينيسترلىگى 11 قىركۇيەك كۇنى تاڭەرتەڭ مالىمدەمە جاساپ، «ەگەر قۇراما شتاتتار قاۋىپسىزدىك كەڭەسىندە جاڭا سانكتسيالار راۋندىن ىسكە اسىراتىن بولسا، سولتۇستىك كورەيا قۇراما شتاتقا ءتيىستى مولشەردە وتەۋىن وتەيدى» دەدى. بۇل تۋرالى «شينلاڭ» اقپاراتتىق سايتى جازدى.

كحدر سىرتقى ىستەر مينيسترلىگىنىڭ بۇگىن اقش-تىڭ بىرىككەن ۇلتتار ۇيىم قاۋىپسىزدىك كەڭەسىندە سولتۇستىك كورەيانىڭ يادرولىق سىناقتارىنا قارسى جاڭا سانكتسيالارىن ەنگىزۋ تۋرالى شەشىم قابىلداۋعا تىرىسىپ جاتقانىن ايىپتادى. مالىمدەمەدە «ەگەر بۇل قادامىنا رۇقسات ەتىلەتىن بولسا، پيوڭياڭ (پحەنيان) سوڭعى قادامدار جاساپ، اقش-تى تاريحتاعى ەڭ مۇشكىل جاعدايعا تۇسىرەدى»، - دەدى.

مالىمدەمە دە تاعى: «سولتۇستىك كورەيانىڭ يادرولىق قارۋدى دامىتۋ ءىسى - اقش-تىڭ قاستاندىق ساياساتىن جانە يادرولىق قاتەرىن بولدىرماۋ قۇرالى ءارى بۇل ءوزىن قورعاۋ شارالارى زاڭدى بولىپ تابىلادى»، - دەلىنگەن.

قىركۇيەكتىڭ 3-ىندە اقش سولتۇستىك كورەيانىڭ يادرولىق سىناقتارىنا قارسى جاڭا سانكتسياعا دايىندالىپ جاتقانىن حابارلاعان بولاتىن. ءارى سوڭعى كەزدە بۇل شەشىمىن بۇۇ قاۋىپسىزدىك كەڭەسىندە تالقىعا سالعان. قاۋىپسىزدىك كەڭەس بۇل ۇسىنىسقا بۇگىن (11 قىركۇيەك) شەشىم شىعارماق بولعان.

“The Qazaq Times”