فوتو: ياندەكس

قازاقستاندا ەلەكتر كولىكتەرىن قۋاتتايتىن بەكەتتەر جەلىسىن ورناتۋ جۇمىستارى باستالدى. بۇل تۋرالى "وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ وپەراتورى" (وكم وپەراتورى) جشس ءباسپاسوز قىزمەتى حابارلادى.

پيلوتتى جوبا بويىنشا العاشقى قۋاتتاۋ قۇرىلعىلارى الماتى مەن استانا قالالارىنىڭ ارالىعىندا جەكە ينۆەستيتسيا تارتۋ ارقىلى ورناتىلادى.

«قازىرگى ۋاقىتتا ەنەرگەتيكا مينيسترلىگى پيلوتتىق جوبانىڭ شەڭبەرىندە ەلەكتر كولىكتەرىن قۋاتتايتىن ستانتسيالاردىڭ ينفراقۇرىلىمىن قۇرۋ ماسەلەسىن قاراستىرىپ جاتىر. ينفراقۇرىلىم بويىنشا استانا مەن الماتى ارالىعىندا جىل سوڭىنا دەيىن 100-گە جۋىق ەلەكتر كولىكتەرىن قۋاتتايتىن قۇرىلعىلار ورناتىلادى", - دەلىنگەن كومپانيا حابارلاماسىندا.

جاڭادان ورناتىلاتىن قۇرىلعىلار ەلەكتروكارلاردى 1 جانە 4 ساعات ارالىعىندا قۋاتتايدى. ال قازاقستاندا شامامەن 200-دەن اسا ەلەكتروموبيل بار.

“The Qazaq Times”