فوتو: arnapress.kz

ءماجىلىس دەپۋتاتتارى اكىمدىكتەردەن ەكولوگياعا جاۋاپكەرشىلىكپەن قاراۋدى ءوتىندى.

"قازاقستاندا كۇن سايىن 100-گە جۋىق قاتەرلى ىسىك تۇرلەرى تىركەلەدى. الماتىدا ونكولوگيالىق اۋرۋمەن اۋىراتىنداردىڭ سانى ارتا تۇسكەن، ءتىپتى 2016 جىلمەن سالىستىرعاندا 2017 جىلى ءولىم كورسەتكىشى 12,9 پايىزعا ارتقان. اسىرەسە راكپەن اۋىراتىنداردىڭ كوبى قاراعاندى وبلىسىندا جانە وسكەمەندە. سەبەبى مۇندا  مەتاللۋرگيالىق زاۋىت، مىرىش زاۋىتى سىندى اۋىر ونەركاسىپتىك كاسىپورىندار اعىندى سۋلارعا كوپ مولشەردە فوسفور ارالاس ونەركاسىپتىك قالدىقتاردى شىعارادى", - دەدى دەپۋتات ارتۋر پلاتونوۆ قر پرەمەر مينيسترىنە قاراتا جولداعان ساۋالىندا.

دەپۋتاتتىڭ مالىمەتىنشە، تاۋ-كەن ءوندىرىس ورىندارىندا 1,5 ملرد توننادان اسا وندىرىستىك قالدىقتار جينالعان. مىسالى 476 پوليگوننىڭ 86-سى ەكولوگيالىق جانە سانيتارلىق ستاندارتتارعا سايكەس كەلمەيدى ەكەن.

"قورشاعان ورتاداعى جاعدايلارعا بايلانىسى جەرگىلىكتى اتقارۋشى جانە وكىلەتتى ورگانداردىڭ جاۋاپكەرشىلىگىن قاتاڭداتۋ ماسەلەسىن قاراستىرۋ كەرەك. بۇل ءمان بەرەتىن نارسە، ويتكەنى جەرگىلىكتى بيۋدجەتتى وسى ورگاندار قاراستىرادى جانە تاعى ءبىر ايتا كەتەرلىگى، جەرگىلىكتى بيۋدجەت جوباسى قارالعان كەزدە نەگە ەكەنى ەكولوگيالىق ماسەلەلەر ماڭىزدى ەمەس دەپ ەسەپتەلەدى نەمەسە مۇلدە نازارعا الىنبايدى", - دەدى دەپۋتات.

وسىلايشا دەپۋتات ۇكىمەتتەن مەملەكەتتىك ورگانداردى جانە اكىمدىكتەر ارقىلى ەكولوگيالىق ماسەلەلەردى تالداپ تەكسەرۋ ءۇشىن ۆەدومستۆوارالىق كوميسسيا نەمەسە جۇمىس توپتارىن قۇرۋدى سۇرادى.

“The Qazaq Times”