ترامپ الەۋمەتتىك جەلىدە سولتۇستىك كورەيامەن كەلىسسوزدى قالامايتىنىن ايتتى

اقش پرەزيدەنتى دونالد ترامپ ءوزىنىڭ Twitter پاراقشاسىندا سولتۇستىك كورەيا مەن اقش اراسىنداعى قۇپيالاردىڭ شەتىن شىعاردى. بۇل تۋرالى «The New York Times» باسىلىمى حابارلادى.

ول الەۋمەتتىك جەلى پاراقشاسىندا: «اقش بۇرىننان بەرى  سولتۇستىك كورەيامەن كەلىسسوز جۇرگىزىپ كەلەدى. شامادان تىس تولەم دە تولەدى. 25 جىل بولدى. كەلىسسوز سولتۇستىك كورەيا ماسەلەسىن شەشەتىن بىردەن ءبىر ءادىس ەمەس ەكەنى دالەلدەندى»، – دەدى. سونىمەن بىرگە اقش گاۆاي جاعالاۋىنان زىمىرانعا قارسى قورعانىس جۇيەسىن ءساتتى سىناعانىن ايتقان.

ال ۇلىريتانيا پرەمەر-ءمينيسترى تەرەزا مەي قىتاي ۇكىمەتىنە حات جولداپ، سولتۇستىك كورەياعا باعىتتالعان قىسىمدى نىعايتۋعا شاقىردى. تەرەزا مەي قازىرگى ۋاقىتتا جاپونياداعى ساپارىن باستاپ كەتتى. ول بۇل ەلگە ۇلىبريتانيا ەۋروپالىق وداقتان شىققاننان كەيىن جاپونيامەن بولاتىن ساۋدا-ساتتىق ىستەرى قالاي بولاتىنىن كەڭەسۋ ءۇشىن كەلىپ وتىر. ساپارىنىڭ تاعى ءبىر باعىتى سولتۇستىك كورەياعا قاتىستى جاڭا سانكتسيالار تاقىرىبىن تالقىلايدى. سونداي-اق تەرەزا مەي بريتاندىق اسكەرلەردىڭ اسكەري وپەراتسيالارعا قاتىسۋىنان باس تارتتى.

“The Qazaq Times”