اقش ۋكرايناعا اسكەري كومەكتى كوبەيتە تۇسپەك

اقش قورعانىس ءمينيسترى مەتتيس ۋكراينانىڭ كيەۆ قالاسىندا ساپارى بارىسىندا، قۇراما شتاتتار ۋكراينا ۇكىمەتىنە قاراستى كۇشتەرگە اسكەري كومەك كورسەتۋ تۋرالى مىندەتتەمەسىن جالعاستىراتىنىن ايتتى. سونىمەن بىرگە، كرەملگە قاراتقان سوزىندە، ەگەر رەسەي ۋكراينانىڭ شىعىسىنداعى جاعدايدى ورنىقتىرمايتىن بولسا، اقش سانكتسيالارىن قايتارىپ المايتىنىن ايتىپ ءوتتى. بۇل تۋرالى «شينحۋانىڭ» رەسمي سايتى حابارلايدى.

مەتتيس بۇل ساپارىندا ترامپ ۇكىمەتىنىڭ ۋكرايناعا قاراتقان ساياساتىن جەتكىزە كەلدى. ءارى، اقش-ۋكراينا اراسىندا اسكەري كومەك بەرۋدىڭ جاڭا كەلىسىمىنە قول جەتكىزەتىنىن دە مالىمدەدى. مەتتيس ءسوز اراسىندا رەسەي ۋكراينا شىعىسىندا وڭ شەشىم جاساپ قاتەلىگىن تانىماسا، مەملەكەت شەكاراسىن اسكەري كۇشپەن وزگەرتتى دەپ ايىپتالاتىنىن ايتىپ ءوتتى.

مەتتيستىڭ مالىمدەمەسىنەن بەلگىلى بولعانداي قۇراما شتاتتار جاقىندا ۋكراينا ۇكىمەتىنە 175 ميلليون دوللارلىق اسكەري كومەك باعدارلاماسىن قابىلداعان. 2015 جىلدان بەرى اقش ۋكرايناعا باعىتتاعان اسكەري كومەكتى 750 ملن اقش دوللارىنا دەيىن ارتتىردى. جەمس مەتتيستىڭ سوزىنەن بەلگىلى بولعانى – ۋكراينانى قورعانىس قارۋىن جانە اسكەري وبەكتىلەر ارقىلى قولداۋدى جالعاستىرۋدان باسقا، قۇراما شتاتتار قىرعىنداعىش قارۋلاردى دا بەرۋ مۇمكىندىگىن قاراستىرۋدا.

“The Qazaq Times”