رەسەي: ءسۇريادا ازامات سوعىسى اياقتالدى

سۇرياداعى ازامات سوعىسى اياقتالدى، دەپ مالىمدەدى رەسەي فەدەراتسياسىنىڭ قورعانىس ءمينيسترى سەرگەي شويگۋ «ارميا-2017» اسكەري-تەحنيكالىق فورۋمىندا.

فورۋم اياسىندا ليۆان قورعانىس ءمينيسترى ياكۋب اس-ساررافپەن كەزدەسكەن سەرگەي شويگۋ: «ءسۇريا اۋماعىنداعى ازامات سوعىسىنىڭ توقتاتىلۋى ەل اۋماعىنداعى وپپوزيتسيا وكىلدەرىنە اسكەري كومەك بەرۋ مەن دەەسكالاتسيا اۋداندارىن قۇرعاننىڭ ناتيجەسى. سىزدەردە، بىزدەردە جاقسى تۇسىنەمىز تەرروريستەردىڭ ءبىر ەلدەن، ەكىنشى ەلگە ءوتىپ ءجۇرۋى ۇزاققا بارماۋى ءتيىس. بۇنى ءبىزدىڭ باتىستاعى ارىپتەستەرىمىزدە تۇسىنسە ەكەن دەيمىز. ولار وپپوزيتسيا وكىلدەرىنەن باستاپ، تەرروريستەرگە دەيىن كومەك كورسەتۋلەرىن توقتاتۋى كەرەك» - دەگەن.

بۇعان دەيىن ءسۇريا باسشىسى باشار اساد ەلدە ءوز بيلىگىنىڭ ساقتالىپ قالۋىن رەسەي مەن يراكتىڭ قولاۋىنىڭ ارقاسىندا دەگەن بولاتىن. ال اقش ءسۇريا اۋماعىندا «يسلام مەملەكەتى» لاڭكەستىك ۇيىمىنىڭ تولىقتاي كوزى جويىلعاننان كەيىن ەلدەن ءوز اسكەرىن شىعاراتىنىن ايتقان ەدى.

“The Qazaq Times”