رەسەيلىك اۋە كۇشتەرىنىڭ دەير ءال-زۋرعا جاساعان اۋە شابۋىلى. فوتو: Eveyo.com.

قىتاي اقپاراتتىق قۇرالدارىنىڭ حابارلاۋىنا قاراعاندا، جاقىندا عانا رەسەيدىڭ سۇرياداعى باشار اساد  رەجيمىنە بولىسىپ، «يسلام مەملەكەتى» (IS) تەررورلىق ۇيىمىنا قارسى جۇرگىزگەن اۋە شابۋىلدارىنان 200 تەرروريست ولتىرىلگەن. بۇل تۋرالى «شينلاڭ» اقپاراتتىق سايتى حابارلاپ وتىر.

اۋە كۇشتەرىنىڭ وپەراتسياسى دەير ءال-زۋرداعى تەررورلىق كۇشتەردىڭ بازاسىنا جاسالعان. قولدا بار اقپاراتقا سايكەس، جاقىندا دەير ءال-زۋرداعى IS-تىڭ بازاسىنا قارۋ-جاراق جانە ادام تاسىعان كولىكتەر كەلىپ كىرگەن. بۇل بازالارعا جاسالعان اۋە شابۋىلىنان شامامەن 200 تەرروريستىڭ جويىلعانى ءمالىم بولعان. بۇلاردىڭ ءبارى دە موسۋل سوعىسىنان جەڭىلىس تاۋىپ، يراكتان سۇرياعا قاشىپ كەلگەن تەررورلىق توپتىڭ مۇشەلەرى دەگەن دەرەك بار.

قازىر رەسەيدىڭ اسكەري كۇشتەرى جاردەمىمەن ءسۇريا رەجيمى كوپتەگەن قالالاردى تەررورلىق كۇشتەردەن قايتارىپ الۋدا. بىراق، يراكتاعى دايش-كە قارسى سوعىس تەبىنى ارتقان سايىن، سۇرياعا پانالاۋعا كەلەتىن لاڭكەستىك كۇشتەر سانى جاعىنان كوبەيۋدە.

قاتىستى اقپاراتتارعا سەنسەك، وسى ايدا رەسەيلىك اۋە كۇشتەرى ۇلكەندى-كىشىلى 990 رەت اۋە شابۋىلى وپەراتسياسىن جۇزەگە اسىرعان. تەررورلىق توپتان 40 بروندالعان اۆتوكولىكتى تالقانداپ، 100-دەن اسا كولىك پەن 800-دەن اسا تەررورلىق توپ مۇشەسىن جويعان.

“The Qazaq Times”