فوتو: Al Arabiya

جاپونيانىڭ سىرتقى ىستەر ءمينيسترى تارو كونو "سولتۇستىك كورەياعا قارسى ەكونوميكالىق جانە ديپلوماتيالىق قىسىم پيوڭياڭ (پحەنيان) ءوزىنىڭ يادرولىق قارۋىنان تولىقتاي باس تارتپايىنشا جالعاسا بەرۋى كەرەك" دەپ ەسەپتەيدى. بۇل تۋرالى ول جۋرناليستەرمەن بولعان سۇحباتى كەزىندە حابارلادى. 

"قازىر التى جاقتى كەلىسسوزدەر جۇرگىزەتىن كەز ەمەس. سولتۇستىك كورەيانى ىمىرعا كەلۋگە شاقىرا بەرگەنشە، قىسىم كورسەتۋ ارقىلى ۇستانىپ وتىرعان ساياساتىن وزگەرتەتىن ۋاقىت جەتتى", - دەدى ول.

جاپونيانى سىرتقى ىستەر ءمينيسترىنىڭ التى جاقتى كەلىسىم دەپ وتىرعانى - رەسەي، اقش، قىتاي، جاپونيا، وڭتۇستىك كورەيا  مەن سولتۇستىك كورەيا اراسىندا جوسپارلانعان كەلىسسوزدەر. بۇۇ سولتۇستىك كورەياعا قارسى ەكونوميكالىق سانكتسيالار ەنگىزىپ، ونى الەم ەلدەرى ءبىراۋىزدان قابىلداعاننان كەيىن، رەسەي مەن قىتاي اقش پەن وڭتۇستىك كورەيانى كورەي تۇبەگىندە اسكەري جاتتىعۋلار وتكىزۋدى توقتاتۋعا شاقىرىپ، داعدارىستى رەتتەۋگە بايلانىستى مەدياتسيالىق قىزمەتىن باستاعان بولاتىن.

“The Qazaq Times”