اق ءۇي قىزمەتكەرلەرى ىشىنەن ءىرىپ جاتىر

اق ءۇيدىڭ رەسمي مالىمدەمەشىسى ساۋندەرس اقش جەرگىلىكتى ۋاقىتىمەن 18 شىلدە كۇنى جاساعان مالىمدەمەسىندە اق ءۇيدىڭ باس ستراتەگى، پرەزيدەنتتىڭ ستراتەگيالىق باس كەڭەسشى ستيۆەن بەننون جۇمىستان كەتكەنىن حابارلادى. بۇل تۋرالى «شينحۋا» اقپاراتتىق اگەنتتىگىنىڭ رەسمي سايتى جازدى.

بەننون 2016 جىلى تامىز ايىندا، ترامپتىڭ پرەزيدەنتتىككە سايلانۋىنا جاۋاپتى كوماندانىڭ كوشباسشىسى بولىپ، ترامپتىڭ پرەزيدەنت تاعىنا وتىرۋىنا كومەكتەسكەن باستى كەيىپكەرلەردىڭ ءبىرى بولعان ەدى. ترامپ پرەزيدەنت بولىپ سايلانعاننان كەيىن اق ءۇيدىڭ ستراتەگيا جونىندەگى باس كەڭەسشىسى، پرەزيدەنتتىڭ جوعارى كەڭەسشىسى قىزمەتىنە تاعايىندالعان. سونىمەن بىرگە، ۇلتتىق قاۋىپسىزدىك كەڭەسىندە «باس كوميتەت» مۇشەسى بولعان.

«بالامالى قۇقىق» پەن ونىڭ پوپۋليستىك ساياسي جانە ەكونوميكالىق تالاپتارىمەن ۇزاق مەرزىمدى تىعىز بايلانىستارعا وراي، بەننون قۇراما شتاتتىڭ ۇكىمەتى پەن حالقى اراسىنداعى ستراتەگيالىق باعىتتاردا، رەسپۋبليكالىق پارتيانى قامتىعان قايشىلىقتى قالىپتاستىرىپ الدى دەۋگە بولادى.

سوڭعى بىرنەشە ايدا، اقش-تىڭ باق-تارىندا اق ءۇيدىڭ جاسىرىن تىرەستەرى تۋرالى ءجيى ايتىلعان ەدى. ستيۆەن بەننون جانە ۇلتتىق قاۋىپسىزدىك ماسەلەلەرى جونىندەگى كومەكشىسى مەن اق ءۇيدىڭ شيەلەنىسىندەگى باسقا دا جوعارى لاۋازىمدى تۇلعالار اراسىنداعى قايشىلىقتار دا بار.

سوڭعى جارتى جىلدا اق ءۇيدىڭ كادرلار ساپى ءجيى وزگەرىستەرگە ۇشىرادى. وسى جىلدىڭ قاڭتار ايىندا تارمپ امەريكا قۇراما شتاتتارىنىڭ پرەزيدەنتى بولعاننان تارتىپ، اق ۇيدەن بىرقاتار قىزمەتكەرلەر جۇمىستان بوساتىلدى. كەيبىر تالداۋشىلار پىكىرىنشە، ترامپ – بىلىكتى كاسىپكەر، رەجيمنىڭ قۇرىلىمى نەگىزىنەن ءۇش ساناتقا جاتادى: «Wall Street» ينۆەستيتسيالىق بانكى «Goldman Sachs»-قا اۋىستىرىلدى; اقش اسكەريلەرى «قارت ساربازعا» تاپسىرىلدى; ترامپ وتباسى مۇشەلەرى بەلسەنە ارالاستى، ولاردىڭ اراسىندا مۇددەلەرى تولىقتاي كەلىسىمگە جەتپەگەن، ناتيجەسىندە وسىنداي ايىرماشىلىقتار پايدا بولدى. ترامپتىڭ ءوزى دە بۇعان قارسى، الايدا ول ۇكىمەتتىڭ باستاپقى قىزمەتكەرلەرىنە سەنە بەرمەيدى. سوندىقتان ونىڭ تىسقاقتى ساياساتكەرلەرمەن جۇمىس ىستەۋى قيىنعا ءتۇسىپ وتىر دەپ قارايدى.

ترامپ جاساقتاعان كادرلارى دا اق ءۇيدىڭ بەرەكەسىن ساقتاي الماي وتىر. جارتى جىلدان بەرى اق ۇيدەگى كادر الماسۋ ءىسى اقش تاريحىنا جازىلارى انىق. جاقىندا عانا پەنتاگون مەن اق ءۇي اراسىندا دا پىكىر قايشىلىعى تۋىندادى. دەگەنمەن وسىلاردىڭ ىرىمەي وتىرۋىنا رەكس تيللەرسوننىڭ ەڭبەگى زور. ول اق ءۇي مەن قۇراما شتاتتىڭ وزگە ورىندارىن جالعاۋداعى ماڭىزدى تۇلعاعا اينالىپ كەلەدى.

“The Qazaq Times”