مايك پەنس چيليدە. فوتو: نوۆوە ۆرەميا.

اقش وڭتۇستىك امەريكا ەلدەرىنەن سولتۇستىك كورەيامەن بولعان قارىم-قاتىناستارىن ءۇزۋىن ءوتىندى. بۇل تۋرالى اقش ۆيتسە-پرەزيدەنتى مايك پەنس ايتتى. ول سولتۇستىك كورەيا ماسەلەسى تەك ۇستەل ۇستىندە شەشىم تابۋى ءتيىس دەگەندى العا تارتتى. بۇل تۋرالى «تۇرىك تەلە-راديو» قىزمەتىنىڭ رەسمي سايتى ارناسى حابارلايدى.

مايك پەنس چيلي ساپارىندا وسى تاقرىپتى كوتەرە كەلىپ، بۇل تالاپتارىنا برازيليا، پەرۋ مەن مەكسيكا دا قوسىلادى دەپ ۇمىتتەنەتىنىن دە جەتكىزدى. اقش ۆيتسە-پرەزيدەنتى ءوز ويىن، حالىقارالىق قاۋىمداستىقتىڭ دۇنيە بەيبىتشىلىگىن قورعاۋداعى كۇش-جىگەرىن ايگىلەۋ دەگەن ۇران استىندا كوتەرىپ وتىر. بۇل لاتىن-امەريكا ەلدەرىن دە كورەي تۇبەگىنە الىپ كىرىپ، سولتۇستىك كورەياعا جان-جاقتى قىسىمدى ارتتىرۋ ءۇشىن جاسالىپ وتىرعان قادام ەكەنىن اڭعارۋعا بولادى.

مايك پەنس چيلي پرەزيدەنتىمەن كەزدەسۋى كەزىندە، اقش بيلىگى ەشقاشان كيم جوڭ ۋن (Kim Jong Un) رەجيمىنىڭ يادرولىق قارۋعا يە بولۋىنا جول بەرمەيتىندىگىن اشىق ايتتى. ءارى، پيوڭياڭ (Pyongyang/پحەنيان) تارابىنىڭ بارلىق شەشىمنىڭ كەلىسسوز ۇستىندە جاسالاتىنىن انىق اڭعارۋى كەرەك ەكەنىن دە ايتىپ ءوتتى.

“The Qazaq Times”