الماتىدا تاڭعا جۋىق جەر سىلكىندى

الماتىدا 4 بالدىق جەر سىلكىنىسى تىركەلدى، دەپ حابارلايدى الماتى قالاسى توتەنشە جاعدايلار دەپارتامەنتىنىڭ ءباسپاسوز قىزمەتى.

"قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتىنىڭ سەيسمولوگيالىق تاجىريبە-ادىستەمەلىك ەكسپەديتسياسى" مەملەكەتتىك مەكەمەسىنىڭ سەيسميكالىق ستانسالار جەلىسى بويىنشا 9 تامىز كۇنى استانا ۋاقىتىمەن تاڭعى ساعات 5:28 شاماسىندا جەر سىلكىنىسى تىركەلگەن. ءزىلزالانىڭ ەپيتسەنترى الماتىدان سولتۇستىك-شىعىسقا قاراي 485 شاقىرىمدا بايقالعان.

جەر سىلكىنىسىنىڭ ەنەرگەتيكالىق كلاسى - 14,8, ماگنيتۋدا MPV - 6.8. زارداپ شەككەندەر تۋرالى مالىمەت تۇسپەگەن.

ايتا كەتەيىك، 9 تامىزعا قاراعان تۇندە قىتايدىڭ باتىس وڭىرىندە 6,5 بالدىق جەر سىلكىنىسى بولدى. ءۇستىرتى تاۋلى ايماققا ورنالاسقان سىچۋان پروۆينتسياسى سىلكىنىس تسەنترى بولعان. سالدارىنان 13 ادام قازا تاۋىپ، 175 ادام زارداپ شەككەن. بىرنەشە ساعاتتان كەيىن الماتىعا شامامەن 500 شاقىرىم قاشىقتىقتاعى شىنجاڭنىڭ بۇراتالا وبلىسىندا 6,3 بالدىق جەر سىلكىنىسى تىركەلگەن.

“The Qazaq Times”