امەريكالىقتار اقۇيدىڭ مالىمدەمەلەرىنە سەنبەيدى

امەريكالىقتاردىڭ 3/4 بولىگى اق ۇيدەن ەستىگەن مالىمدەمەلەرىنە سەنبەيدى. بۇل  تۋرالى CNN اقپاراتتىق اگەنتتىگى جۇرگىزگەن ساۋالناما كەزىندە بەلگىلى بولدى. اقش پرەزيدەنتى دونالد ترامپتىڭ بيلىككە كەلگەنىنە 6 اي وتكەن ۋاقىتتا ول امەريكا تاريحىنداعى 1993 جىلى نەبارى 44 پايىز جيناعان بيلل كلينتوننان كەيىنگى 38 پايىز حالىقتىڭ قولداۋىنا يە بولعان ەكىنشى باسشى بولىپ وتىر. ساۋالناماعا قاتىسقان رەسپوندەنتتەردىڭ باسىم بولىگى ونىڭ قىزمەتىن قولدامايتىنىن بىلدىرگەن. 

دونالد ترامپتىڭ اقش پرەزيدەنتى ەسەبىندەگى قىزمەتىن قولدايتىندار وسى جىلدىڭ اقپان-تامىز ايلارىنىڭ ارالىعىندا 44 %-38% دەيىن تومەندەپ، ونىڭ جۇمىسىن قۇپ كورمەيتىندەردىڭ ۇلەسى 53%-دان 56%-عا دەيىن ارتقان.

دونالد ترامپ پرەزيدەنتتىككە سايلاناردان بۇرىن جۇرگىزىلگەن ساۋالناما كەزىندە حالىقتىڭ باسىم كوپشىلىگى ونى بىلىكتى مەنەدجەر دەپ تانىپ، ەلگە ۇلكەن وزگەرىستەر اكەلەتىنىنە سەنىم بىلدىرگەن. ال قازىر ونىڭ بۇل قاسيەتىن باعالايتىنداردىڭ سانى كۇرت تومەندەپ وتىر.

كونگرەسس مۇشەلەرىنىڭ اراسىندا بولعان سۇراۋلار ناتيجەسىندە، رەسپبليكاندىقتاردىڭ 83%، دەموكراتتاردىڭ 7%، تاۋەلسىز ساراپشىلاردىڭ 37% جاڭا پرەزيدەنتتى قولدايدى.

سونىمەن قاتار، پرەزيدەنتتىڭ تۆيتتەردەگى بەلسەندىلىگىن ايىپتايتىندار مەن ونىڭ جۇمىسىن ناتيجەسىز دەپ تاباتىنداردىڭ سانىنىڭ ارتۋى دونالد ترامپتىڭ رەيتينگىن تومەندەتىپ وتىر.

“The Qazaq Times”