سااكاشۆيلي پوروشەنكومەن پولشا اۋماعىندا ءجۇرىپ كۇرەسپەك

گرۋزيانىڭ بۇرىنعى باسشىسى، ودەسسا وبلىسىنىڭ ەكس-گۋبەرناتورى ميحايل سااكاشۆيلي پەتر پوروشەنكومەن پولشا اۋماعىندا ءجۇرىپ كۇرەس جۇرگىزەتىنىن مالىمدەدى. ول بۇل جايىندا پولشانىڭ ZIK تەلەارناسىنا بەرگەن سۇحباتىندا ايتقان.

سااكاشۆيلي ZIK ارناسىنىڭ FACE2FACE باعدارلاماسىندا: «مەن قازىر پولشادامىن. بۇل جەرگە ۆارشاۆا كوتەرىلىسىن ەسكە الۋ شارالارىنا قاتىسۋ ءۇشىن ارنايى شاقىرتۋمەن كەلدىم. مەنىڭ ويىمشا، اقش-تا جۇرگەننەن قاراعاندا ۋكرايناعا جاقىن جەردە بولعان دۇرىس» - دەگەن.

بۇدان بولەك ول اقش-تان شىعۋىنا قۇجات جاعىنان ەشقانداي قيىندىقتار بولماعانىن ايتقان.

ەستەرىڭىزگە سالايىق، شىلدەنىڭ 26 كۇنى ۋكراينا پرەزيدەنتى پەتر پوروشەنكو ميحايل سااكاشۆيليدى ۋكراينا ازاماتتىعىنان شىعارۋعا بايلانىستى قۇجاتقا قول قويعان بولاتىن.

“The Qazaq Times”