ينتەرپول جۇمىس عيماراتى. فوتو: Russia news today. فوتو.

ينتەرپول (حالىقارالىق پوليتسيا ۇيىمى)  جانكەشتى قىلمىس جاساۋى مۇمكىن دەگەن 173 ادامنىڭ ءتىزىمىن ەۋروپالىق ەلدەرگە تاراتىپ بەردى. بۇلاردىڭ ءبارى دايش تەررورلىق ۇيىمىنىڭ جانكەشتى لاڭكەستەرى بولىپ تابىلادى. بۇل تۋرالى «اناتولى» اقپاراتتىق اگەنتتىگى حابارلاپ وتىر.

قاتىستى دەرەكتەرگە قاراعاندا تىزىمدە بار 132 جانكەشتى لاڭكەس يراك، شىعاناق ەلدەرى، سولتۇستىك افريكا، بانگلادەش جانە تاجىكستان ەلدەرىنەن كەلگەن. سونداي-اق، تىزىمدە 6 ەۋروپالىق ازامات بار. ولار گەرمانيا، بەلگيا، فرانتسيا، گوللانديا جانە بوسنيا قاتارلى ەلدەردەن كەتكەندەر.

ينتەرپول تاراتىپ بەرگەن ءتىزىم اقش بارلاۋ ورتالىقتارىنان كەلگەن. قازىر جانە الداعى ۋاقىتتا وسى تىزىمدەگى ادامداردى دايش ۇيىمى جانكەشتى جارىلىس جاساۋ ءۇشىن ەۋروپاعا جىبەرۋى مۇمكىن ەكەن.

“The Qazaq Times”