رەسمي كيەۆ اقش جانە وزگە دە مەملەكەتتەردىڭ بيلىك ورگاندارىن ميحايل سااكاشۆيليدىڭ ۋكراينا اۋماعىندا العان بارلىق قۇجاتتارىنىڭ كۇشى جويىلعانى جايىندا حاباردار ەتتى، دەپ حابارلايدى Oxu.az سايتى.

ۋكراينا پرەزيدەنتى پەتر پوروشەنكو امەريكادا جۇرگەن ميحايل سااكاشۆيليدى ۋكراينا ازاماتتىعىنان شىعارعاننان كەيىن اقش بيلىك ورگاندارىنا ونىڭ بارلىق ۋكراينالىق قۇجاتتارىنىڭ كۇشى جويىلعاندىعى جايىندا مالىمدەمە تاراتقان. ءبىر سوزبەن ايتقاندا ۋكراينا بيلىگى بارلىعىن سااكاشۆيليدى گرۋزياعا وزدەرى ەكستارديتسيالاي المايتىنداي ەتىپ جاساعان. شەتەلدىك ساراپشىلاردىڭ سوزىنشە، كيەۆتىڭ مۇنداي قادامدارعا بارۋىنىڭ سەبەبى، ۋكرايناداعى سااكاشۆيلي جاقتاستارىنان سەسكەنۋى بولۋ مۇمكىن.

وسىدان كەيىن ۋكراينا بيلىگىنەن سااكاشۆيليدى ەكستراديتسيالاۋعا بايلانىستى بىرنەشە مارتە ءتيىستى جاۋاپ الا الماعان گرۋزيا تاراپى، قازىردىڭ وزىندە اقش بيلىگىمەن ميحايل سااكاشۆيليدى ەكستراديتسيالاۋعا بايلانىستى كەلىسسوز جۇرگىزۋگە دايىن ەكەنىن مالىمدەگەن.

ەستەرىڭىزگە سالايىق، تامىزدىڭ 1-ءى كۇنى ميحايل سااكاشۆيلي ءوزىنىڭ اقش-تا تىعىلىپ جاتپايتىنىن، مىندەتتى تۇردە ۋكرايناعا قايتىپ ورالىپ، سوت الدىندا ءوزىنىڭ قۇقىعىن قورعايتىنىن ايتقان بولاتىن.

“The Qazaq Times”