اقش پەن سولتۇستىك كورەيانىڭ «قارۋلى جارىسى»: امەريكا تاعى دا سىناق وتكىزدى

اقش جۋىردا عانا وتكەن سولتۇستىك كورەيانىڭ قارۋلى سىناعىنىڭ سوڭىن الا، قۇرلىقارالىق بالليستيكالىق زىمىراننىڭ سىناعىن وتكىزدى. كاليفورنياداعى ۆاندەنبەرگ اۋە بازاسىندا وتكىزىلەتىن اسكەري ءىس-شارالار ادەتتە بىرنەشە اپتا نە اي بۇرىن ەسكەرتىلىپ، ارنايى دايىندىق جاسالاتىن. بۇل جولى اقش-تىڭ سىرتقى ساياساتىندا سولتۇستىك كورەيانىڭ اسكەري قۋاتىن كۇرت ارتتىرۋىنا بايلانىستى تۋىنداعان الاڭداۋشىلىقتار اسەر ەتكەن بولۋى كەرەك، اياق استىنان تاعى ءبىر سىناق قولعا الىنىپ وتىر. بۇل تۋرالى APF اقپاراتتىق اگەنتتىگى جازادى. 

اقش-تىڭ اسكەري اۋە كۇشتەرىنىڭ  كومانديرى: "بۇل سىناق سولتۇستىك كورەيانىڭ ارەكەتىنە جاۋاپ بولماسا دا، زىمىراننىڭ الەۋەتىن باعالاۋ اقش-تىڭ قارۋى قاۋىپسىز، ءتيىمدى جانە ءوز مەملەكەتى مەن وداقتاستارىن قورعاۋعا ابدەن قابىلەتتى ەكەنىن كورسەتتى", - دەدى.

تۇنگى اسپاندى قاق جارىپ، وڭتۇستىك كاليفورنيادان ۇشىرىلعان زىمىران مارشالل ارالدارىنداعى كۆادجالەين باعىتىندا 4 مىڭ 200 ميل ۇشىپ وتكەن.

اتاپ ءوتۋ كەرەك، سولتۇستىك كورەيانىڭ تولاسسىز جۇرگىزىپ وتىرعان زىمىران سىناقتارى الەمدىك قاۋىمداستىقتى الاڭداتىپ وتىر. سوڭعى وتكەن ءىرى ەكى سىناقتىڭ ءبىرى - سوعىس قاۋپى تۋا قالعان جاعدايدا كورەي تۇبەگىنەن ۇشىرىلعان قارۋ الياسكاعا، ال ەكىنشىسى نيۋ-يورك پەن بوستون سەكىلدى ۇلكەن قالالاردى نىساناعا الۋعا قاۋقارلى ەكەنىن دالەلدەدى.

“The Qazaq Times”