ازيالىق ەر ادام اقش-تاعى قىتاي ەلشىلىگىنىڭ الدىندا ءوزىن اتتى

اقش-تىڭ جەرگىلىكتى ۋاقىتىمەن 1 تامىز كۇنى تاڭعى ساعات التى مولشەرىندە ءبىر ازيالىق ەر ادام قىتايدىڭ لوس-اندجەلەستە ورتالاسقان باس ەلشىلىگىندە وق اتقان. ول قۇرالىنان 18 تال وق اتىپ، سوڭىندا ءوزىن ءوزى ولتىرگەن. بۇل تۋرالى قىتايدىڭ «شينلاڭ» اگەنتتىگىنىڭ سايتى جازدى.

لوس-ادجەلەس پوليتسيا تاراۋلارى وق اتۋ وقيعاسىنان باسقا ادامداردىڭ زارداپ شەكپەگەنىن، ەلشىلىك الدىنداعى جولدار جابىلىپ، پوليتسەيلەر باقىلاۋدى كۇشەيتكەنىن، ەلشىلىكتىڭ قالىپتى جۇمىس ىستەپ تۇرعانىن مالىمدەدى. بىراق، قازىرگە دەيىن وق اتۋشىنىڭ ماقساتى مەن وق شىعارۋ سەبەبى انىق ەمەس. پوليتسيا قىزمەتكەرلەرى تەكسەرۋ-تەرگەۋ قىزمەتتەرىن باستاپ كەتكەن.

لوس-اندجەلەس پوليتسيا باسقارماسى مالىمدەمەشىسىنىڭ ايتۋىنشا، اتۋ ءىسى سول جەردىڭ ۋاقىتىمەن تاڭعى ساعات 6 شاماسىندا بولعان. قولدا بار مالىمەتتەرگە سۇيەنسەك، وق اتۋشى 60 جاستان اسقان، ازيالىق ەر ادام. الايدا، ونىڭ اتى-ءجونى ءالى دە جاريا ەتىلمەدى. بىراق، لوس-اندجەلەس پوليتسياسى دەپارتامەنتى وكىلى مايك بولسا: «وق اتۋشى قىتايلىق حان ۇلتىنىڭ ازاماتى، ءبىز قازىر ونىڭ ءوز-ءوزىن ەلشىلىك الدىندا نە سەبەپتى وققا ۇستاعانىن انىقتاۋدامىز»، - دەگەن.

بۇل ىستەن كەيىن لوس-اندجەلەستە تۇراتىن قىتاي باس ەلشىلىگى سايتىندا: «بۇگىن بەلگىسىز ءبىر جانكەشتى باس ەلشىلىك الدىندا ءوزىن اتىپ ءولتىردى. ءبىز بۇل ىسكە الاڭداۋشىلىق بىلدىرەمىز. اقش تارابىنان بارلىق قاجەتتى شارالاردى قابىلداۋدى تالاپ ەتەمىز. باس كونسۋلدىعى كەڭسە جانە ديپلوماتيالىق قىزمەتكەرلەرىنىڭ قاۋىپسىزدىگىن قامتاماسىز ەتۋىن سۇرايمىز. سونىمەن بىرگە، مۇمكىندىگىنشە ءىستىڭ ناقتى ءمان-جايىن تولىقتاي انىقتاپ شىعۋىن وتىنەمىز»، – دەپ جازدى.

“The Qazaq Times”