اقش-تىڭ جاڭادان سايلانعان پرەزيدەنتى دونالد ترامپ مەملەكەتتىك حاتشى قىزمەتىنە ۇسىنعان كانديدات يسلامدى «ۇلى سەنىم» دەپ اتاپ، بەلگىلى ءبىر ءدىن جانە توپتارعا قاتىستى جاپپاي تىيىم سالۋدى قولدامايتىنىن مالىمدەدى.
ExxonMobil كومپانياسىنىڭ بۇرىنعى باسشىسى رەكس تيللەرسون بۇل مالىمدەمەسىن 11 قاڭتاردا سەناتتىڭ سىرتقى ىستەر كوميتەتىندەگى تىڭداۋ كەزىندە ايتتى. سايلاۋ كامپانياسى كەزىندە ترامپ تەراكتىنى الدىن الۋ ءۇشىن مۇسىلمانداردى اقش-قا كىرگىزۋگە تىيىم سالۋدى ۇسىنعان.
دەموكراتيالىق جانە رەسپۋبليكالىق پارتيا وكىلدەرىنىڭ دەنى بۇل باستامانى سىناعان.
تيللەرسون سەنات مۇشەلەرىنە ExxonMobil كومپانياسىن باسقارىپ تۇرعان كەزدە تاياۋ شىعىستاعى جانە ازيانىڭ وڭتۇستىك-شىعىس بولىكتەرىندەگى مۇسىلمان ەلدەرىن ارالاعانىن بايانداپ، ول “بۇل ۇلى سەنىمدى باعالاپ، مويىنداي باستاعانىن” ايتتى. ول سونىمەن بىرگە ەكسترەميستەرگە قاتىستى اقش ۇلكەن قاۋىپ-قاتەرگە تاپ بولىپ وتىرعانىن، ءبىز بۇل ماسەلەنى “جىلى جاۋىپ قويا المايمىز” دەدى. “بىزگە قاۋىپ-قاتەردى تولىعىمەن ءتۇسىنىپ، ولاردىڭ كوزىن جويۋ ءۇشىن ارنايى باعدارلاما ازىرلەپ، الدىن الۋ كەرەك”، - دەدى ول.
centralasian.org
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر