c-17 بومبالاۋشى ۇشاعى. فوتو: Pinterest.

اقش زىمىراننان قورعانىس جۇيەسىن ءساتتى سىناقتان وتكىزگەنى تۋرالى مالىمدەدى. سونىمەن ءبىر ۋاقىتتا كورەي تۇبەگىندەگى اقش قارۋلى كۇشتەرىنە قاراستى بومبىلاۋشى ۇشاقتارىن دا كەڭىستىككە شىعارعان. بۇنى سولتۇستىك كورەيانىڭ زىمىران سىناقتارىنا جاۋاپ رەتىندە جاساپ وتىرعاندارىن ايتتى. BBC-ءدىڭ ونلاين قىزمەتى حابارلايدى.

زىمىراننان قورعانۋ جاتتىعۋى بارىسىندا تىنىق مۇحيت بەتىندەگى س-17 ۇشاعىنان اتىلعان بالليستيكالىق زىمىراندى، الياسكادا ورنالاستىرىلعان Thaad زىمىرانعا قارسى جۇيەسى قۇرلىققا جەتكىزبەي ۇستاپ جويعان. بۇل وڭتۇستىك كورەيا، جاپونيا جانە اقش بىرلەسكەن اسكەري جاتتىعۋى بولىپ سانالادى.

«ساد» جۇيەسىن وڭتۇستىك كورەياعا ورنالاستىرۋ ىسىنە قىتاي كۇشتى قارسىلىق تانىتىپ وتىر. الايدا، اقش جاق سولتۇستىك كورەيادان اتىلعان بارلىق زىمىراندى ۇستاپ جويۋ ءۇشىن اتالعان جۇيەنى ورناتۋعا بار كۇشىن سالىپ وتىر. بۇل قازىر قىتاي مەن رەسەيدى قامتىعان سولتۇستىك شىعىس ازيانىڭ وڭىرلىك قايشىلىعىنىڭ ءبىر سەبەبى.

ساۋىردەن بەرى قاراي سولتۇستىك كورەيا زىمىران سىناعىن جيىلەتە ءتۇستى. قاۋىپتەنگەن اقش كورەي تۇبەگى ماڭىنا اۋىر اسكەري تەحنيكالارىن جاقىنداتتى. بۇل سولتۇستىك كورەيانىڭ اشۋىن تۋعىزعان بولاتىن. "ەگەر اقش سوعىس باستاسا ءبىز دايىنبىز" دەپ قورقىتقان ەدى.

قازىر اقش جاق سولتۇستىك كورەيا الياسكاعا زىمىران شابۋىلىن جاساۋعا قابىلەتى جەتەدى، بىراق،  زىمىراندارىنىڭ دالدىگى جوق دەپ قارايدى. بىراق، وڭتۇستىك كورەيا جاساعان مالىمدەمەسىندە كحدر زىمىراندارى الەمنىڭ كەز-كەلگەن جەرىنە شابۋىلداي الادى دەپ ەسكەرتىپ كەلەدى.

“The Qazaq Times”