فوتو: راديو سۆوبودا

ليتۆا گرۋزيانىڭ ەكس-پرەزيدەنتى، ودەسسا وبلىسىنىڭ بۇرىنعى گۋبەرناتورى ميحايل سااكاشۆيليگە ازاماتتىق بەرۋى مۇمكىن دەپ جازادى Lietuvos zinios پورتالى.

ليتۆا ساياساتكەرى، ەۋروپارلامەنت مۇشەسى پياتراس اۋشترياۆيچيۋس Lietuvos zinios باسىلىمىنا بەرگەن سۇحباتىندا: «سااكاشۆيليگە ليتۆا ازاماتتىعىن بەرۋگە بولادى. ەگەردە ءبىز وعان ازاماتتىق بەرەتىن بولساق، وندا ول وسى ارقىلى ءبىزدىڭ ەلدە ساياسي كەڭەستەر بەرەتىن ۇيىم قۇرىپ، ەۋروپا اۋماعىندا ساياساتپەن اينالىسۋعا مۇمكىندىك الار ەدى» - دەگەن.

ەستەرىڭىزگە سالايىق، ميحايل سااكاشۆيلي 2015 جىلى ۋكراينا ازاماتتىعىن العاننان كەيىن گرۋزيا ازاماتتىعىنان شىعارىلعان بولاتىن. ول ودەسسا وبلىسىنىڭ گۋبەرناتورلىق قىزمەتىنەن وتستاۆكاعا كەتكەننەن سوڭ جەرگىلىكتى تەلەارنالاردىڭ بىرىندە باعدارلاما جۇرگىزۋشىسى بولىپ قىزمەت اتقارعان.

شىلدەنىڭ 26 كۇنى ۋكراينا پرەزيدەنتى پەتر پوروشەنكو ونى ۋكراينا ازاماتتىعىنان شىعارىپ تاستاعان. قازىرگى تاڭدا ميحايل سااكاشۆيلي اقش-تا ءجۇر. 

“The Qazaq Times”