مۇناي باعاسى جوعارىلاي باستادى

Brent ماركالى مۇنايدىڭ باعاسى ماۋسىم ايىنان بەرى العاش رەت 50 دوللاردان جوعارىلادى.

استانا ۋاقىتىمەن 9:07-دە قىركۇيەك ايىنا ارنالعان شيكىزات فيۋچەرسىنىڭ باررەلى 50,6 دوللاردان ساتىلعان. سوڭعى رەت مۇنداي كورسەتكىش 6 ماۋسىم كۇنى تىركەلگەن.

مۇناي باعاسىنىڭ كوتەرىلۋى ساۋد ارابياسىنىڭ ەنەرگەتيكا ءمينيسترى حاليدا ال-فالەحانىڭ مەملەكەتتىڭ مۇناي ەكسپورتىن ازايتقانى تۋرالى مالىمدەمەسىمەن بايلانىستى. ول كورولدىك تامىز ايىندا ەكسپورتتالاتىن شيكىزات كولەمىن تاۋلىگىنە 6,6 ملن باررەلگە دەيىن ازايتاتىنىن ايتقان.

سونداي-اق، وپەك جانە وعان مۇشە ەمەس ەلدەردىڭ مينيسترلىك كوميتەتى ۇسىنعان مالىمەتتەرگە سەنسەك، مۇناي كولەمىن قىسقارتۋ تۋرالى كەلىسىم جارتى جىلدا 98 پايىزعا ورىندالعان. ءتىپتى كوميتەت "ەگەر مۇناي نارىعىن تۇراقتى ۇستاۋعا قاتىستى ءىس-ارەكەتتەر تۋىنداپ جاتسا كەلىسىم مەرزىمى 2018 جىلدىڭ ءبىرىنشى توقستانىنان كەيىن دە ۇزارتىلۋى مۇمكىن" دەگەندى ايتادى.

“The Qazaq Times”