اشحاباد ورتالىعىنداعى تۇركىمەنباسى ەسكەرتكىشى الىنىپ تاستالدى

اشحاباد ورتالىعىندا ورنالاسقان تۇركىمەنستاننىڭ بۇرىنعى باسشىسى ساپارمۇرات نيازوۆتىڭ ەسكەرتكىشى الىنىپ تاستالدى.

2000 جىلدارى اشحاباد ورتالىعىندا سالىنعان نيازوۆ ەسكەرتكىشىنىڭ الىنىپ تاستالۋى جايىندا ازىرگە ەشقانداي رەسمي مالىمدەمە جاسالماعان.

بۇعان دەيىن 2011 جىلى اشحاباد قالاسىنىڭ ورتالىق الاڭىندا ورنالاسقان ساپارمۇرات نيازوۆتىڭ التىن جالاتىلعان ەسكەرتكىشى باسقا جەگە كوشىرىلگەن ەدى. رەسمي اقپاراتتارعا سۇيەنسەك سول ۋاقىتتا ەسكەرتكىشتى بۇزۋعا 50 ميلليون دوللار قارجى كەتكەن.

1985-2006 جىلدارى ارالىعىندا ەل باسقارعان ساپارمۇرات نيازوۆتىڭ (تۇركىمەنباسىنىڭ) ءتىرى كەزىندە وعان تۇركىمەنستان بويىنشا 100-گە جۋىق ەسكەرتكىش ورناتىلعان.

بۇل جاعداي ءبىزدىڭ ەلگە دە تاڭسىق ەمەس. بىزدە اينالاسى 26 جىلدىڭ ىشىندە پرەزيدەنتكە ارناپ 10-عا جۋىق ەسكەرتكىش ورناتىپ، تاستان تۇلعا سالۋعا ماشىقتانىپ العانبىز.

“The Qazaq Times”