2017 جىلدىڭ باسىنان بەرى يزرايلگە تۋريست بولىپ بارعان 190 مونعوليا ازاماتىنىڭ 50-ءى يزرايل بيلىگىنەن ساياسي باسپانا سۇراعان دەپ حابارلايدى «قازىرگى مونعوليا» اقپارات كوزى.

بىراق ءيزرايلدىڭ ىشكى ىستەر ءمينيسترى ساياسي باسپانا سۇراعان مونعوليا ازاماتتارىنىڭ ءوتىنىشىن قاراۋدى توقتاتا تۇرۋعا بۇيىرىق بەرگەن. ويتكەنى ءوتىنىش بەرگەن مونعوليا ازاماتتارىنىڭ بارلىعىنىڭ قورعاۋشىسى (ادۆوكاتى) ءبىر ادام بولعان. بۇل يزرايل ءىىم-نىڭ كۇدىگىن تۋعىزعان.

ءىىم تەكسەرۋى بارىسىندا ءوتىنىش بەرگەن مونعوليا ازاماتتارىنىڭ بارلىعىنىڭ يزرايل بيلىك ورگاندارىنا جالعان اقپارات بەرگەندىكتەرى انىقتالعان.

وسىعان بايلانىستى يزرايل بيلىگى ەگەردە بۇنداي جاعداي الداعى ۋاقىتتا قايتالاناتىن بولسا، مونعوليامەن اراداعى ۆيزاسىز رەجيمدى الىپ تاستايتىنىن مالىمدەگەن.

“The Qazaq Times”