فوتو: eGov

قازاقستاندا حالىققا تەگىن بەرىلەتىن دارىلىك زاتتاردىڭ تىزبەسى 59 جاڭا دارىلىك اتاۋمەن تولىقتىرىلدى، دەپ حابارلايدى دەنسۋلىق ساقتاۋ مينيسترلىگىنىڭ ءباسپاسوز قىزمەتى. 

مينيسترلىك «تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا جانە مىندەتتى الەۋمەتتىك مەديتسينالىق ساقتاندىرۋ جۇيەسىندە امبۋلاتوريالىق دەڭگەيدە تەگىن نەمەسە جەڭىلدىكپەن  قامتاماسىز ەتۋگە ارنالعان دارىلىك زاتتارمەن، مەديتسينالىق ماقساتتاعى بۇيىمدارمەن، ونىڭ ىشىندە بەلگىلى  ءبىر اۋرۋلارى (جاي-كۇيلەرى) بار ازاماتتاردىڭ جەكەلەگەن ساناتتارىنا ارنالعان دارىلىك زاتتاردىڭ جانە مامانداندىرىلعان ەمدىك ونىمدەردىڭ تىزبەسىن بەكىتۋ تۋرالى» بۇيرىقتى بەكىتتى. اتالعان بۇيرىق 2018 جىلدىڭ 1 قاڭتارىندا كۇشىنە ەنەدى.

جاڭا بۇيرىقتا امبۋلاتوريالىق دەڭگەيدە تەگىن قامتاماسىز ەتۋگە ارنالعان دارىلىك زاتتاردىڭ تىزبەسى بەكىتىلدى. دارىلەردىڭ جاڭا تىزبەسى تيىمدىلىگى دالەلدەنگەن 59 جاڭا دارىمەن تولىقتىرىلعان 256 دارىلىك زاتتاردان، ونىڭ ىشىندە 385 دارىلىك تۇرلەرىنەن تۇرادى. الداعى ۋاقىتتا دارىلىك پرەپاراتتارمەن 2 ميلليوننان استام ديسپانسەرلىك ناۋقاستى قامتۋ كوزدەلۋدە.

"ەنگىزىلگەن وزگەرىستەر مۇگەدەكتىك دەڭگەيىن، الەۋمەتتىك ماڭىزى بار اۋرۋلاردان ءولىم-ءجىتىمنىڭ كورسەتكىشتەرىن تومەندەتۋگە باعىتتالعان", - دەلىنگەن ءباسپاسوز حابارلاماسىندا.

“The Qazaq Times”