رەسەي وزگە ەلدە مەملەكەتتىك توڭكەرىس جاساماقشى بولعان

اقش سەناتى رەسەيدى 2016 جىلى چەرنوگوريادا مەملەكەتتىك توڭكەرىس جاساماقشى بولدى دەپ ايىپتادى.

اقش-تىڭ اتلانت كەڭەسىنىڭ ۆيتسە-پرەزيدەنتى دەيمون ۋيلسوننىڭ ايتۋىنشا، 2016 جىلى چەرنوگوريادا مەملەكەتتىك توڭكەرىس جاساۋ رەسەيدىڭ «ب» جوسپارى رەتىندە قاراستىرىلعان. وعان دەيىن ماسكەۋ بالقان تۇبەگىندەگى بۇل ەلگە سەربيا پروۆاسلاۆ شىركەۋى ارقىلى، باق ارقىلى، ناتو-عا كىرمەۋ ءۇشىن ءتۇرلى ۇگىت-ناسيحات جۇمىستارىن جۇرگىزۋ ارقىلى قىسىم كورسەتكەن. بۇل جۇمىستاردىڭ ەشقايسىسى ناتيجە بەرمەگەننەن كەيىن «ب» جوسپارىنا ياعني مەملەكەتتىك توڭكەرىس جاساۋعا كوشكەن. بىراق ونىسىنان تۇك شىقپاعان.

ەستەرىڭىزگە سالايىق بۇعان دەيىن 2016 جىلى كۇزدە چەرنوگوريا پروكۋراتۋراسى ەلدە مەملەكەتتىك توڭكەرىستىڭ جانە سول كەزدەگى ەل پرەمەر-ءمينيسترى ميلو دجۋكانوۆيچقا جاسالعان قاستاندىقتىڭ الدىن العاندىقتارى جايىندا مالىمدەمە جاساعان بولاتىن.

چەرنوگوريا ناتو-عا 2017 جىلدىڭ 5 ماۋسىمىندا رەسمي تۇردە قابىلدانعان.

“The Qazaq Times”