گەرمانيا ەۋرووداقتان گامبۋرگتەگى شەرۋ ۇيىمداستىرۋشىلاردى ۇستاۋعا كومەك سۇرادى

گامبۋرگتەگى «ۇلكەن جيىرمالىقتىڭ» سامميتىندە ورىن العان قوعامدىق تولقۋدان كەيىن گەرمانيا ءوزىنىڭ ەۋروپاداعى وداقتاستارىنان ءتارتىپ بۇزۋشىلاردى ىزدەستىرۋ جۇمىستارىنا كومەكتەسۋىن سۇرادى.

گەرمانيانىڭ ادىلەت ءمينيسترى حايكو ماس: «قازىر بارلىق بەينەجازبالار مەن فوتوسۋرەتتەر تەكسەرىلىپ جاتىر. ءبىز شەت ەلدىك ارىپتەستەرىمىزدەن كومەك كۇتەمىز» دەپ مالىمدەدى. سونداي-اق گامبۋرگتەگى ارنايى كوميسسيا شىعارعان تۇتقىنداۋ تۋرالى جارلىقتى وزگە ەلدەردىڭ دە شۇعىل ارادا راستاۋى تالاپ ەتىلدى.

قازىر گامبۋرگتە 51 كۇدىكتى ۇستالعان. ولاردىڭ قاتارىندا نەمىستەردەن بولەك، رەسەي فەدەراتسياسى، يتاليا، نيدەرلاندى، يسپانيا، فرانتسيا، شۆەيتساريامەناۆستريا مەملەكەتتەرىنىڭ ازاماتتارى دا بار. حايكو ماس الداعى ۋاقىتتا بىردە-ءبىر ساياسي ماڭىزعا يە باسقوسۋ كەزىندە «ەۋروپالىق بۇلىكشىلەردىڭ» باسقا ەل مەن قالالاردا قۇقىقبۇزۋشىلىق ارەكەتتەرىن قايتالاماۋىن قاداعالاۋ قاجەتتىلىگىن باسا ايتتى. وسىدان بۇرىن گەرمانيانىڭ سىرتقى ىستەر مينيسترلىگىندە گامبۋرگتەگى جاعداي ەلدىڭ بەدەلىنە ايتارلىقتاي نۇقسان كەلتىردى دەپ حابارلانعان.

“The Qazaq Times”