قاراعاندى وبلىسىندا «SevenRefractoriesAsia» دەپ اتالاتىن وتقا ءتوزىمدى ماتەريالدار ءوندىرۋ زاۋىتى اشىلدى. ينۆەستيتسيانىڭ جالپى سوماسى 1,9 ملرد تەڭگەنى قۇرادى. زاۋىت «سارىارقا» ارنايى ەكونوميكالىق اۋماعىندا ورنالاسقان.
بۇل زاۋىت ەلىمىزدەگى وسىنداي جوعارى ساپالى ماتەريالدار وندىرەتىن العاشقى كاسىپورىن. ونىڭ ونىمدەرىنە «قازاقمىس»، «ارسەلورميتتال تەمىرتاۋ»، «كازتسينك» سەكىلدى ءىرى كومپانيالار مۇقتاج. ەگەر وسىعان دەيىن ولار وتقا شىدامدى ماتەريالداردى شەل ەلدەردەن ساتىپ الىپ وتىرسا، بۇدان بىلاي ونى قاراعاندىلىق ءونىم وندىرۋشىدەن الادى", - دەدى وبلىس اكىمى ەرلان قوشانوۆ.
سونداي-اق، ول بۇل زاۋىت شەت ەلدىك كاپيتالدىڭ قاستىسۋىمەن سالىنعانىن اتاپ ءوتتى.
«SevenRefractoriesAsia» جشس-نىڭ قۇرىلىسى 2005-ءشى جىلى باستالىپ، 2017-ءشى جىلدىڭ اقپان ايىندا ىسكە قوسىلدى. جوسپارلانعان ءوندىرىس كولەمى – جىلىنا 45 مىڭ توننا.
جاڭا زاۋىت سلوۆەنيادا جاسالعان زاماناۋي قۇرالدارمەن جابدىقتالعان. قازىرگى تاڭدا كاسىپورىندا 51 جۇمىس ورنى اشىلعان، الداعى ۋاقىتتا قىزمەتكەرلەر سانى ۇلعايتىلادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى